కాలిఫోర్నియా: అమెరికా గగనతలంపై ఎగురుతున్న గుర్తు తెలియని వస్తువుల్ని ఆ దేశం కూల్చివేస్తున్న విషయం తెలిసిందే. వరుసగా నాలుగవ ఆబ్జెక్ట్ను కూడా అమెరికా కూల్చింది. ఈ నేపథ్యంలో కొన్ని ఆసక్తికరమైన విషయాలు వెలుగులోకి వస్తున్నాయి. అమెరికా వైమానిక క్షేత్రంలో కనిపిస్తున్న ఆ ఆబ్జెక్ట్స్ ఏలియన్స్ అయి ఉంటాయా అన్న అనుమానాలు వ్యక్తం అవుతున్నాయి. అయితే ఆ అనుమానాలను కొట్టిపారేయలేమని అమెరికా ఎయిర్ ఫోర్స్ జనరల్ గ్లెన్ వాన్హెర్క్ తెలిపారు. ఉత్తర అమెరికా వైమానిక దళానికి చీఫ్గా ఉన్న ఆయన ఓ ప్రశ్నకు ఈ సమాధానం ఇచ్చారు.
గ్రహాంతరవాసులు అవునో కాదో చెప్పలేనని, కానీ ఆ అనుమానాలను తీసిపారేయలేమని జనరల్ గ్లెన్ తెలిపారు. అంతర్జాతీయ సమాజంతో పాటు కౌంటర్ ఇంటెలిజెన్స్ వ్యవస్థ ఆ విషయాన్ని తేల్చాలన్నారు. తాను మాత్రం వ్యక్తిగతం ఆ విషయాన్ని కొట్టిపారేయలేనన్నారు. ఆదివాంర పెంటాన్లో జరిగిన బ్రీఫింగ్ సమయంలో వాన్హెర్క్ ఈ విషయాన్ని తెలిపారు. ఆదివారం కూడా అష్టాకారంలో ఉన్న ఓ గుర్తుతెలియని వస్తువును అమెరికా ఎఫ్-16 ఫైటర్ విమానాలు కూల్చివేశాయి.
కెనడా బోర్డర్ సమీపంలో ఉన్న లేక్ హూరన్ వద్ద నాలుగో ఆబ్జెక్ట్ను అమెరికా వైమానిక దళాలు కూల్చివేశాయి. 20 వేల ఫీట్ల ఎత్తులో ఎగురుతున్న ఆబ్జెక్ట్ను పేల్చినట్లు పెంటగాన్ తెలిపింది.ఫిబ్రవరి 4వ తేదీన చైనాకు చెందిన బెలూన్ను కూల్చిన తర్వాత వరుసగా గుర్తుతెలియని వస్తువులు అమెరికా గగనతలాన్ని చుట్టేస్తున్నాయి.