Venezuela Earthquake: వెనిజువెలా భూకంపం.. 6 రోజుల త‌ర్వాత శిథిలాల నుంచి మూడేళ్ల చిన్నారి రెస్క్యూ

Venezuela Earthquake: భూకంప శిథిలాల కింద ఆరు రోజులుగా స‌జీవంగా ఉన్న మూడేళ్ల చిన్నారిని ర‌క్షించారు. ప్రాణాల‌తో ఉన్న ఆ పిల్లోడిని ఆస్ప‌త్రికి త‌ర‌లించారు. వెనిజువెలా జంట భూకంపాల వ‌ల్ల సుమారు రెండు వేల మంది వ‌ర‌కు మ‌ర‌ణించారు. 58 వేల బిల్డింగ్‌లు కూలాయి.

క‌రాక‌స్‌: వెనిజువెలా భూకంప(Venezuela Earthquake) శిథిలాల నుంచి ఆరు రోజుల త‌ర్వాత మూడేళ్ల చిన్నారిని రెస్క్యూ చేశారు. జోర్డాన్ రెస్క్యూ బృందానికి ఆ చిన్నారి చిక్కాడు. ఆ పిల్లాడి పేరు కీబ‌ర్ మోర‌న్‌. లా గైరియా రాష్ట్రంలో కూలిన బిల్డింగ్ శిథిలాల నుంచి ఆ చిన్నారిని ర‌క్షించిన‌ట్లు తాత్కాలిక అధ్య‌క్షురాలు డెల్సీ రోడ్రిగేజ్ తెలిపారు. కీబ‌ర్‌కు ఫ‌స్ట్ ఎయిడ్ చికిత్స అందించారు. ఆ పిల్ల‌వాడిని ఆస్ప‌త్రికి త‌ర‌లించిన‌ట్లు జెర్డాన్ డిఫెన్స్ పేర్కొన్న‌ది. రాజ‌ధాని క‌ర‌కాస్‌లో అత‌నికి చికిత్స జ‌రుగుతోంది. వెనిజువెలాలో జంట భూకంపాలు సంభ‌వించిన విష‌యం తెలిసిందే. ఆ భూకంపాల వ‌ల్ల వేల మంది నిరాశ్ర‌యుల‌య్యారు. ఆహారం, షెల్ట‌ర్ కోసం ఎదురుచూస్తున్నారు. రెండు భూకంపాల వ‌ల్ల 1943 మంది మృతిచెందారు. సుమారు ప‌దివేల మంది గాయ‌ప‌డ్డారు. ఇంకా వేల సంఖ్య‌లో జ‌నం ఆచూకీ లేదు. ఆ రెండు భారీ భూ కంపాల వ‌ల్ల సుమారు 58,870 బిల్డింగ్‌లు కూలిన‌ట్లు నాసాకు చెందిన శాటిలైట్ డేటా అంచ‌నా వేసింది.

In Venezuela, a three-year-old child was pulled alive from the rubble after six days.

The child named Kleiber Moran was rescued from the rubble in La Guaira state, one of the hardest-hit areas. The boy was rushed to the hospital.pic.twitter.com/wnQ6U0hCBv

— Visegrád 24 (@visegrad24) July 1, 2026