Knife Attack: క‌త్తితో దాడి.. ఆరుగురు చిన్నారుల‌కు గాయాలు

knife stab: ఆరుగురు స్కూల్ పిల్ల‌ల్ని ఓ ఉన్మాది క‌త్తితో పొడిచాడు. ఈ ఘ‌ట‌న ఫ్రాన్స్‌లోని ఆల్ప్స్ ప‌ర్వ‌త‌శ్రేణుల్లోని అనెక్కి ప‌ట్ట‌ణంలో జ‌రిగింది. దాడి చేసిన వ్య‌క్తిని అరెస్టు చేశారు.

పారిస్‌: ఫ్రాన్స్‌లో ఓ ఉన్మాది క‌త్తితో పిల్ల‌ల‌పై దాడి(Knife Attack) చేశాడు. మొత్తం ఏడు మంది గాయ‌ప‌డ‌గా, దాంట్లో ఆరుగురు స్కూల్ పిల్ల‌లే ఉన్నారు. ఆల్ప్స్ ప‌ర్వ‌త శ్రేణుల్లోని అనెక్కీ అనే ప‌ట్ట‌ణంలో ఈ ఘ‌ట‌న జ‌రిగింది. ఓ స‌ర‌స్సు వ‌ద్ద ఉన్న పార్కులో మూడేళ్ల వ‌య‌సున్న చిన్నారులు ఆడుకుంటున్న స‌మ‌యంలో ఓ వ్య‌క్తి త‌న వ‌ద్ద ఉన్న క‌త్తితో వారిపై అటాక్ చేశాడు. ఉన్మాదిని అరెస్టు చేసిన‌ట్లు హోంశాఖ మంత్రి గెరాల్డ్ డార్మ‌నిన్ తెలిపారు. క‌నీసం ముగ్గురు బాధితులు ప‌రిస్థితి విష‌మంగా ఉన్న‌ట్లు తెలుస్తోంది. దాడి జ‌రిగిన ప్ర‌దేశానికి వెళ్తున్న‌ట్లు ప్ర‌ధాని ఎల‌జ‌బెత్ బోర్న్ పేర్కొన్నారు.