గ్రేటర్‌లో చలి పంజా

గ్రేటర్‌లో చలి నెమ్మదిగా పంజా విసురుతోంది. పగలు ఎండలు దంచి కొట్టినప్పటికీ రాత్రి సమయంలో మాత్రం చలి వణుకు పుట్టిస్తోంది.

సిటీబ్యూరో, నవంబర్‌ 9 (నమస్తే తెలంగాణ): గ్రేటర్‌లో చలి నెమ్మదిగా పంజా విసురుతోంది. పగలు ఎండలు దంచి కొట్టినప్పటికీ రాత్రి సమయంలో మాత్రం చలి వణుకు పుట్టిస్తోంది. దీంతో రాత్రి ఉష్ణోగ్రతలు సాధారణ స్థాయి కంటే కిందకు పడిపోతున్నాయి. సోమవారం ఉదయం నుంచి రాత్రి వరకు నగరంలో గరిష్ఠ ఉష్ణోగ్రతలు 32.3 డిగ్రీలు నమోదు కాగా రాత్రి ఉష్ణోగ్రతలు ఒకేసారి 3డిగ్రీల వరకు కిందకు పడిపోయి 17.7 డిగ్రీలు సెల్సియస్‌గా నమోదైనట్లు హైదరాబాద్‌ వాతావరణ కేంద్రం అధికారులు వెల్లడించారు. రానున్న రోజుల్లో చలి తీవ్రత మరింత పెరిగే అవకాశాలున్నట్లు వాతావరణ కేంద్రం అధికారులు వెల్లడించారు.