ఆర్టీవోలకు సాంకేతిక ఆటంకం

ఆర్టీవోల బదిలీలేమో కానీ వారి లాగిన్‌ ఐడీలు పనిచేయకపోవడంతో పలు కార్యాలయాల్లో సేవలు నిలిచిపోయాయి. లైసెన్స్‌, రిజిస్ట్రేషన్ల డాక్యుమెంట్స్‌ తదితర వాటికి సంబంధించిన కార్యకలాపాలకు అంతరాయం ఏర్పడింది.

సిటీబ్యూరో, జూన్‌ 2 ( నమస్తే తెలంగాణ ) : ఆర్టీవోల బదిలీలేమో కానీ వారి లాగిన్‌ ఐడీలు పనిచేయకపోవడంతో పలు కార్యాలయాల్లో సేవలు నిలిచిపోయాయి. లైసెన్స్‌, రిజిస్ట్రేషన్ల డాక్యుమెంట్స్‌ తదితర వాటికి సంబంధించిన కార్యకలాపాలకు అంతరాయం ఏర్పడింది. సాధారణంగా ప్రతి ఆర్టీవోకు లాగిన్‌ ఐడీ కేటాయిస్తారు. తాజాగా ఆర్టీవోలు బదిలీ అయ్యారు. దీంతో వారి లాగిన్‌ ఐడీలను బదిలీ అయిన కార్యాలయానికి మార్చాల్సి ఉంటుంది.

వాహన్‌ సారథి పోర్టల్‌ వినియోగం కారణంగా ఆర్టీఓల లాగిన్‌ ఐడీలు పోర్టల్‌ కేంద్ర కార్యాలయం ఢిల్లీ నుంచి అనుమతించాల్సి ఉంటుంది. అయితే ఉదయం ఇక్కడి అధికారులు మెయిల్‌ చేసినప్పటికి సాయంత్రం వరకు వారి ఐడీలు పనిచేయలేదు. మంగళవారం పలు రకాల ఆర్టీఏ సేవలకు అంతరాయం ఏర్పడటంతో వాహనదారులు ఇ బ్బందులకు గురయ్యారు. మొదటి రోజు కొత్త కార్యాలయాల్లో బాధ్యతలు తీసుకున్న అధికారులకు లాగిన్‌ ఐడీ పనిచేయకపోవడంతో కొంత నిరుత్సాహానికి గురయ్యారు. మేడ్చల్‌, మణికొండ, ఉ ప్పల్‌, ఖైరతాబాద్‌, మలక్‌పేట, బండ్లగూడ, మన్నెగూడ తదితర కార్యాలయాల్లో ఆర్టీవోల లాగిన్‌ ఐడీలు పనిచేయని కారణంగా కొన్ని రకాల సేవలు నిలిచిపోయాయి.