బీఎల్‌ఓలను అడ్డుకుంటే కఠిన చర్యలు

ఉమ్మడి మహబూబ్‌నగర్‌-రంగారెడ్డి-హైదరాబాద్‌ పట్టభద్రుల ఎమ్మెల్సీ నియోజకవర్గ ఓటరు జాబితా ప్రత్యేక సవరణ ప్రక్రియలో భాగంగా అధికారులకు తీవ్ర ఆటంకాలు ఎదురవుతున్నాయి. నగరంలోని పలు గేటెడ్‌ కమ్యూనిటీలు, విశ్వవిద్యాలయాలు (యూనివర్సిటీలు), విద్యాసంస్థలు, రెసిడెన్షియల్‌ వెల్ఫేర్‌ అసోసియేషన్లు బూత్‌ స్థాయి అధికారులను ఇతర అధికార యంత్రాంగాన్ని తమ ప్రాంగణాల్లోకి అనుమతించకపోవడంపై జిల్లా ఎన్నికల అధికారి ఆర్‌వీ కర్ణన్‌ తీవ్రంగా స్పందించారు.

• జిల్లా ఎన్నికల అధికారి ఆర్‌వీ కర్ణన్‌

సిటీబ్యూరో: ఉమ్మడి మహబూబ్‌నగర్‌-రంగారెడ్డి-హైదరాబాద్‌ పట్టభద్రుల ఎమ్మెల్సీ నియోజకవర్గ ఓటరు జాబితా ప్రత్యేక సవరణ ప్రక్రియలో భాగంగా అధికారులకు తీవ్ర ఆటంకాలు ఎదురవుతున్నాయి. నగరంలోని పలు గేటెడ్‌ కమ్యూనిటీలు, విశ్వవిద్యాలయాలు (యూనివర్సిటీలు), విద్యాసంస్థలు, రెసిడెన్షియల్‌ వెల్ఫేర్‌ అసోసియేషన్లు బూత్‌ స్థాయి అధికారులను ఇతర అధికార యంత్రాంగాన్ని తమ ప్రాంగణాల్లోకి అనుమతించకపోవడంపై జిల్లా ఎన్నికల అధికారి ఆర్‌వీ కర్ణన్‌ తీవ్రంగా స్పందించారు.

ఫారం-18 దరఖాస్తుల వెరిఫికేషన్‌ కోసం వస్తున్న అధికారులను అడ్డుకోవడం సరికాదన్నారు. గేటెడ్‌ కమ్యూనిటీలు, విద్యాసంస్థలు, కాలనీల సంఘాల అధ్యక్షులు, నిర్వాహకులు అధికారులను లోపలికి అనుమతించాలని.. లేనిపక్షంలో నిబంధనల ప్రకారం తగిన చర్యలు ఉంటాయని స్పష్టం చేశారు.