ఆర్టీఏలో స్మార్ట్‌కార్డుల కొరత.. డ్రైవింగ్‌ లైసెన్స్‌, ఆర్సీ కార్డుల ప్రింట్‌లో పెరుగుతున్న జాప్యం

డ్రైవింగ్‌ లైసెన్స్‌, ఆర్‌సీ కార్డులు నిర్ణీత సమయంలో అందడం లేదని వాహనదారులు వాపోతున్నారు. ఆర్టీఏలో స్మార్ట్‌ కార్డుల కొరత ఉండటంతో కార్డులు అందడానికి రెండు వారాలకు మించి సమయం పడుతుందని వాహనదారులు ఆగ్రహం వ్యక్తం చేస్తున్నారు. వారం రోజుల వ్యవధిలో చిరునామాకు లైసెన్స్‌లు, ఆర్‌సీలు చేర్చాల్సిన అధికారులు స్మార్ట్‌ కార్డుల కొరతతో విమర్శలు ఎదుర్కోవాల్సి వస్తుంది. లైసెన్స్‌లు, ఆర్‌సీ కార్డుల జారీకి వాహనదారుల నుంచి ముందుగానే ఫీజు కట్టించుకుంటారు.

సిటీబ్యూరో, నవంబర్‌ 12 (నమస్తే తెలంగాణ): డ్రైవింగ్‌ లైసెన్స్‌, ఆర్‌సీ కార్డులు నిర్ణీత సమయంలో అందడం లేదని వాహనదారులు వాపోతున్నారు. ఆర్టీఏలో స్మార్ట్‌ కార్డుల కొరత ఉండటంతో కార్డులు అందడానికి రెండు వారాలకు మించి సమయం పడుతుందని వాహనదారులు ఆగ్రహం వ్యక్తం చేస్తున్నారు. వారం రోజుల వ్యవధిలో చిరునామాకు లైసెన్స్‌లు, ఆర్‌సీలు చేర్చాల్సిన అధికారులు స్మార్ట్‌ కార్డుల కొరతతో విమర్శలు ఎదుర్కోవాల్సి వస్తుంది.

\లైసెన్స్‌లు, ఆర్‌సీ కార్డుల జారీకి వాహనదారుల నుంచి ముందుగానే ఫీజు కట్టించుకుంటారు. కానీ కార్డులు జారీ చేయడానికి మాత్రం జాప్యం చేస్తున్నారు. గ్రేటర్‌లోని అన్నీ ఆర్టీఏ కార్యాలయాల్లో ఇదే సమస్య ఉన్నట్టు వాహనదారులు చెబుతున్నారు. ప్రింటర్‌, రెబ్బన్‌, కార్డులతో లైసెన్స్‌లు, ఆర్‌సీలు తయారవుతాయి. ఆ కార్డులను కవర్‌లో ప్యాక్‌ చేసి .. కొరియర్‌పై పోస్టల్‌ స్టాంప్స్‌ అతికించి వాహనదారుడి ఇంటికి పంపిస్తారు. ఈ ప్రక్రియ వారానికి మించి ఉండదు. కానీ స్మార్ట్‌ కార్డుల కొరతతో అంతకు మించి సమయం పడుతుండటంపై వాహనదారులు అధికారులపై ఆగ్రహం వ్యక్తం చేస్తున్నారు.