హైదరాబాద్: హైదరాబాద్ను వానలు వదలడం లేదు. ప్రతిరోజూ ఏదో ఒక సమయంలో వర్షం నగరవాసులను పలకరిస్తూనే ఉంది. ఆదివారం ఉదయం ఒక్కసారిగా వర్షం కురిసింది. అయితే వాన కొద్దిసేపే పడినప్పటికీ రోడ్లపై భారీగా నీరు నిలిచిపోయింది. బంజారాహిల్స్, జూబ్లీహిల్స్, పంజాగుట్ట, అమీర్పేట, ఎస్సార్నగర్, కూకట్పల్లి, బాలానగర్, బోయిన్పల్లి, సికింద్రాబాద్, ఖైరతాబాద్, లక్డీకాపూల్, నాంపల్లి, కోఠి, మెహదీపట్నంలో వర్షం కురిసింది.
ఇక రాష్ట్రంలో పలుచోట్ల భారీ వర్షం కురిసింది. అర్ధరాత్రి నుంచి ఎడతెరపిలేకుండా వాన కురుస్తున్నది. మరో మూడురోజులపాటు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది.