Hyderabad | హైద‌రాబాద్ సీపీకి స్వల్ప అస్వస్థత

Hyderabad | హైదరాబాద్‌ పోలీస్‌ కమిషనర్‌ సందీప్‌ శాండిల్య సోమవారం స్వల్ప అస్వస్థతకు గురయ్యారు. సందీప్‌ శాండిల్య గత కొన్ని రోజులుగా కమిషనరేట్‌ పరిధిలోని ఠాణాలు తిరుగుతూ ఎన్నికలకు సంబంధించిన‌ సిబ్బందితో సమావేశాలు నిర్వహిస్తూ బిజీగా గడుపుతున్నారు.

Hyderabad | హైద‌రాబాద్ : హైదరాబాద్‌ పోలీస్‌ కమిషనర్‌ సందీప్‌ శాండిల్య సోమవారం స్వల్ప అస్వస్థతకు గురయ్యారు. సందీప్‌ శాండిల్య గత కొన్ని రోజులుగా కమిషనరేట్‌ పరిధిలోని ఠాణాలు తిరుగుతూ ఎన్నికలకు సంబంధించిన‌ సిబ్బందితో సమావేశాలు నిర్వహిస్తూ బిజీగా గడుపుతున్నారు.

ఈ క్రమంలో సోమవారం ఆయన బంజారాహిల్స్‌లోని కమాండ్‌ అండ్‌ కంట్రోల్‌ సెంటర్‌ నుంచి బషీర్‌బాగ్‌లోని పాత పోలీస్‌ కమిషనరేట్‌ కార్యాలయానికి చేరుకుంటుండ‌గా, కండ్లు తిరిగినట్టు, ఛాతిలో నొప్పిగా ఉండడంతో వెంటనే హైదర్‌గూడలోని అపోలో దవాఖానకు వెళ్లారు. దీంతో సీపీకి అస్వస్థతపై పోలీసు వర్గాలలో ఆందోళన నెలకొంది.

ఈ నేప‌థ్యంలోనే దవాఖాన నుంచి సందీప్‌ శాండిల్య సెల్ఫీ వీడియోను విడుదల చేశారు. తనకు గిల్టీనెస్‌ ప్రాబ్లమ్‌ రాగానే దవాఖానకు వచ్చానని, స్వల్ప స్పాండిలైటిస్‌ ఉందని, లోబీపీ ఉందని చెప్పారని తెలిపారు. ఈ రోజు ఒక్కరోజు వైద్యుల పర్యవేక్షణలో ఉండి, రేపటి నుంచి తిరిగి తన విధులలోకి చేరుతానంటూ ఆయన త‌న వీడియోలో పేర్కొన్నారు. నేను సురక్షితంగా ఉన్నానంటూ సందేశం పంపించారు.