సమస్యలను ఆలకిస్తూ.. బాధితులను ఆదరిస్తూ..

• సందేహాల నివృత్తితో భరోసా
• మంగళవారం ఒక్క రోజే 250 మంది సద్వినియోగం
• సత్ఫలితాన్నిస్తున్న జీహెచ్‌ఎంసీ కంట్రోల్‌ రూం
• 040-2111 1111ను సద్వినియోగం చేసుకోవాలని వైద్యుల సూచన

: గ్రేటర్‌లో కరోనా విలయతాండవం చేస్తోంది. అడుగు బయట పెట్టాలంటేనే జనాన్ని వణికిస్తున్నది. ఈ నేపథ్యంలో అన్ని వర్గాల వారు ఆందోళన చెందుతున్నారు. కొవిడ్‌ లక్షణాలుంటే ఏం చేయాలి? అత్యవసరంలో ఆసుపత్రులలో ఆక్సిజన్‌, రెమ్‌డెసివర్‌లు అందుబాటులో ఉన్నాయా? హోం ఐసోలేషన్‌లో ఉంటే ఎలాంటి జాగ్రత్తలు తీసుకోవాలి? తదితర సందేహాలను నివృత్తి చేసుకునేందుకు జీహెచ్‌ఎంసీలో ప్రత్యేకంగా కంట్రోల్‌ రూం 040-2111 1111ను ఏర్పాటు చేయగా, ఈ కేంద్రం సత్ఫలితాన్ని ఇస్తోంది. ఈ కంట్రోల్‌ రూమ్‌కు కేటాయించిన నంబర్‌కు రోజూ వందల సంఖ్యలో బాధితులు ఫోన్‌ కాల్స్‌ చేస్తున్నారు. వారి సందేహాలను శ్రద్ధగా వింటున్న సిబ్బంది వాటికి నివృత్తి చేస్తున్నారు. ఎలాంటి ఆందోళన చెందాల్సిన అవసరం లేదని, ధైర్యంగా ఉండాల ని వైద్యులు భరోసా ఇస్తున్నారు. మంగళవారం ఒక్కరోజే వివిధ ప్రాంతాల నుంచి 250 మంది ఫోన్‌ చేశారు. ప్రత్యేకంగా నియమించిన వైద్యాధికారులు వీరికి తగు సలహాలు, సూచనలు అందించారు.

అధికంగా పాజిటివ్‌ బాధితులే..

• కంట్రోల్‌ రూమ్‌కు వస్తున్న ఫోన్‌ కాల్స్‌లలో ఎక్కువగా కొవిడ్‌ బాధితులకు సంబంధించినవే ఉంటున్నాయి.
• పాజిటివ్‌ వస్తే వైద్య సే వలు ఎక్కడ పొందాలి?
• ఎలాంటి మందులు వేసుకోవాలి?
• టీకాలు తీసుకున్నాం? చలి జ్వరంగా ఉంది.
• ఎలాంటి మందులు వేసుకోవా లి? కొవిడ్‌ పరీక్షలు చేసుకున్నాం. ఇంకా ఫలితాలు రాలేదు.
• ఎలాంటి జాగ్రత్తలు తీసుకోవాలి. రెండోసారి పరీక్ష చేసుకున్నాం.
• ఇలా తదిత ర సమస్యలను బాధితులు ఎకరువు పెడుతున్నారు.
• వారు అందించిన వివరాలను ఓపికగా విని సందేహాలను, నివృత్తి చేస్తున్నారు.

రెండు విడతలుగా విధులు

గ్రేటర్‌లో కొవిడ్‌ సంబంధిత వైద్య సహాయాన్ని, కొవిడ్‌ పాజిటివ్‌ వస్తే చేపట్టాల్సిన జాగ్రత్తలు, తీసుకోవాల్సిన మందులు తదితర సలహాలు, సూచనలు అందించేందుకు జీహెచ్‌ఎంసీ కొవిడ్‌ కంట్రోల్‌ రూం నుంచి వైద్యులు పనిచేస్తున్నారు. ప్రతి రోజూ ఉదయం 8 గం టల నుంచి మధ్యాహ్నం 2 గంటలు, తిరిగి రెండు నుం చి రాత్రి 8 గంటల వరకు రెండు షిప్టులలో వైద్యులు కంట్రోల్‌ రూం నుంచి సలహాలు, సూచనలు ఇస్తున్నారు.