కేసీఆర్‌ హయాంలో హైదరాబాద్‌ ఎంతో అభివృద్ధి చెందింది : బళ్లారి మేయర్ గాదెప్ప

కేసీఆర్ నాయకత్వంలో హైదరాబాద్ నగరం ఎంతో అభివృద్ధి చెందిందని కర్ణాటక రాష్ట్రంలోని బళ్లారి మేయర్ గాదెప్ప ప్రశంసించారు.

హైదరాబాద్‌ : నాడు కేసీఆర్ నాయకత్వంలో హైదరాబాద్ నగరం ఎంతో అభివృద్ధి చెందిందని కర్ణాటక రాష్ట్రంలోని బళ్లారి మేయర్ గాదెప్ప ప్రశంసించారు. రెండు రోజుల పర్యటన నిమిత్తం హైదరాబాద్ నగరానికి వచ్చిన గాదెప్ప సోమవారం మాజీమంత్రి, సనత్ నగర్ ఎమ్మెల్యే తలసాని శ్రీనివాస్ యాదవ్‌ను మర్యాద పూర్వకంగా కలిశారు. తన నివాసానికి వచ్చిన మేయర్ గాదెప్పను ఎమ్మెల్యే తలసాని ఘనంగా సన్మానించారు.
అనంతరం ఎమ్మెల్యే తలసాని శ్రీనివాస్ యాదవ్ ను గాదెప్ప శాలువా, పూలమాలతో సత్కరించారు.

ఈ సందర్భంగా గాదెప్ప మాట్లాడుతూ 10 సంవతారాల బీఆర్ఎస్ ప్రభుత్వ హయాంలో హైదరాబాద్ నగరం అన్ని రంగాలు ఎంతో అభివృద్ధి సాధించాయని అన్నారు. సింగపూర్, మలేషియా వంటి ప్రధాన నగరాలను తలపించేలా హైదరాబాద్ నగరాన్ని తీర్చిదిద్దారని అన్నారు. పెరుగుతున్న ట్రాఫిక్ రద్దీకి అనుగుణంగా చేపట్టిన రహదారుల అభివృద్ధి, ఫ్లై ఓవర్ లు, అండర్ పాస్ ల నిర్మాణం అద్భుతంగా ఉందన్నారు. దేశంలోని ప్రఖ్యాత నగరాలకు ధీటుగా అభివృద్ధిలో పోటీ పడ్డారని ప్రశంసించారు.