Visit:
రసాయనాలతో తయారు చేసిన లోషన్లతో వజీనా శుభ్రం చేసుకోవద్దు. జననాంగం నుంచి వచ్చే దుర్వాసననూ నిర్లక్ష్యం చేయకండి.
గర్భధారణ సమయంలో స్త్రీ శరీరం అనేక హార్మోన్‌ సంబంధ మార్పులకు లోనవుతుంది. దీనివల్ల వజీనాలో చెమటలు, స్రావాలు అధికం అవుతాయి. కాబట్టి, పరిశుభ్రత విషయంలో చాలా జాగ్రత్తగా ఉండాలి.
తరచూ చేతులు శుభ్రం చేసుకోండి. శాని టైజర్‌ అందుబాటులో ఉంచుకోండి.
ఈ దశలో వజీనాలో స్రావాల ఊట అధికంగా ఉంటుంది. దీంతో హానికర బ్యాక్టీరియా పోగవుతుంది. ఫలితంగా ప్రసవ సమయంలో ఇబ్బందులు ఎదురుకావచ్చు. సాధ్యమైనంత వరకూ తేమను పీల్చుకునే శక్తి ఉన్న కాటన్‌ లోదుస్తులే వేసుకోవాలి.
కొందరిలో స్థనాల నుంచి ద్రవాలు విడుదల అవుతూ ఉంటాయి. ఆ అసౌకర్యాన్ని అధిగమించడానికి ప్యాడ్స్‌ ధరించవచ్చు. అంతేకానీ, మర్దన చేసుకోకూడదు. దీనివల్ల క్షీర గ్రంథులు మరింత చైతన్యవంతం అవుతాయి. ద్రవాల ఊట ఇంకొంత పెరుగుతుంది.
ఆహారం విషయంలోనూ పరిశుభ్రత ముఖ్యం. వంట పాత్రలు శుభ్రంగా ఉండేలా చూసుకోండి. వంటకు ముందు కాయగూరలను నీళ్లలో కడగండి. వంటింట్లో చెత్త పోగు కాకుండా చూసుకోండి.
కాలుష్యం లేని వాతావరణంలో ఇల్లు తీసుకోండి. ధూమపాన ప్రియులకు దూరంగా ఉండండి. హెయిర్‌డై, ఫ్లోర్‌ క్లీనర్స్‌ ఘాటు సైతం కాబోయే తల్లిని ఉక్కిరిబిక్కిరి చేస్తుంది.