చర్మానికి.. వంటింటి వైద్యం

వంటింట్లో వాడే అనేక దినుసులకు అపారమైన ఔషధ గుణాలున్నాయి. వాటితో చర్మ సంరక్షణ సాధ్యమే. అంతెందుకు? మెంతుల సంగతే తీసుకోండి. గింజలు, బెరడు, ఆకులు.. మెంతుల్లో ప్రతీది చర్మం మీది ముడతలను నివారించే శక్తి కలిగి ఉంటుంది.

వంటింట్లో వాడే అనేక దినుసులకు అపారమైన ఔషధ గుణాలున్నాయి. వాటితో చర్మ సంరక్షణ సాధ్యమే. అంతెందుకు? మెంతుల సంగతే తీసుకోండి. గింజలు, బెరడు, ఆకులు.. మెంతుల్లో ప్రతీది చర్మం మీది ముడతలను నివారించే శక్తి కలిగి ఉంటుంది. మెంతులను మరిగించిన నీళ్లతో ముఖం, మెడ తరచూ కడుక్కున్నా.. మార్పు కనిపిస్తుంది. మెంతులను ఆహారంలో భాగం చేసుకోవడం వల్ల కూడా అనేక ప్రయోజనాలు ఉన్నాయి. ఇవి జీవక్రియను చైతన్యవంతం చేస్తాయి. కోడిగుడ్డుకు సైతం చర్మ సంరక్షణ శక్తి ఉంది. గుడ్డులో ప్రొటీన్లు అధికం. ఇవి చర్మం ముడతలను నివారించే కొలాజెన్‌ ఉత్పత్తికి తోడ్పడతాయి.

గుడ్డులోని తెల్లసొనను ముఖానికి, మెడకు పలుచటి పొరలా పట్టించాలి. ఆరిపోయాక చల్లటి నీళ్లతో కడుక్కోవాలి. వారానికి రెండుసార్లు ఇలా చేస్తే ఫలితం కనిపిస్తుంది. రోజుకో గుడ్డు తీసుకోవాలని పోషకాహార నిపుణులు తరచూ గుర్తుచేస్తుంటారు. క్యారెట్లు సరేసరి. వీటిలో బీటా కెరోటిన్‌, విటమిన్‌-ఎ సమృద్ధిగా ఉంటాయి. ఇవి చర్మ పునఃసృష్టిని, కొలాజెన్‌ ఉత్పత్తిని పెంచుతాయి. క్యారె ట్‌ ముక్కలు, క్యారెట్‌ రసం, క్యారెట్‌ కూరలు.. ఏ రూపంలో తీసుకున్నా మంచి చేస్తాయి. ముడతల నివారణ మీద కంటే.. అసలు ముడతలే రాకుండా జాగ్రత్త పడటం మీదే ఫోకస్‌ చేస్తే ఇంకా మేలు.