ఆక్సిజన్‌ స్థాయిలను ఇలా తెలుసుకోండి

న్యూఢిల్లీ: కరోనా నేపథ్యంలో ఆక్సిజన్‌ స్థాయిని తెలుసుకోవటానికి చాలామంది ఇళ్లలోనే సొంతంగా ఆక్సీమీటర్లను ఉపయోగిస్తున్నారు. అయితే, దీనిని కూడా ఒక సరైన పద్ధతి ప్రకారం చేయాలని నిపుణులు చెబుతున్నారు.

• ఆక్సిజన్‌ స్థాయిలను తెలుసుకునేముందు 10-15 నిమిషాలు విశ్రాంతి తీసుకోవాలి.
• చేతిని ఛాతిపై ఉంచి చూపుడు వేలు లేదా మధ్య వేలుకు ఆక్సీమీటర్‌ను తగిలించాలి.
• ఆక్సీమీటర్‌ రీడింగ్‌ స్థిరంగా కొనసాగే వరకు అలాగే ఉంచాలి.
• అధికంగా నమోదైన రీడింగ్‌ను పరిగణనలోకి తీసుకోవాలి.
• ఒక్కరోజులో జరిపిన పరీక్షల్లో వచ్చిన ఫలితాలను నమోదు చేయాలి.
• శ్వాస తీసుకోవడంలో తీవ్ర ఇబ్బంది ఎదురైనా, ఆక్సిజన్‌ స్థాయిలు 93 శాతం కన్నా తక్కువగా ఉన్నా డాక్టర్‌ను సంప్రదించాలి.