Jaggery Benefits | గాలి కాలుష్యం తీవ్ర సమస్యగా పరిణమించింది. మాస్కులు, ఎయిర్ ప్యూరిఫయర్లతో ఆ ప్రభావం నుంచి కొంతమేర తప్పించుకోవచ్చు. ఆహారం కూడా కాలుష్య సంక్షోభం నుంచి మనల్ని కాపాడటంలో కీలకపాత్ర పోషిస్తుంది. ముఖ్యంగా పోషకాలతో సమృద్ధమైన బెల్లాన్ని భోజనంలో భాగం చేసుకోవాలి. అప్పుడప్పుడూ నేరుగా నోట్లో వేసుకోవచ్చు కూడా. ఎందుకంటే బెల్లం పోషకాల గని. అపార పోషక విలువలు: ఐరన్, మెగ్నీషియం, పొటాషియం లాంటి కీలకమైన మినరల్స్తో సమృద్ధం. దీనిలో యాంటీ ఇన్ఫ్లమేటరీ, యాంటీఆక్సిడెంట్ గుణాలు ఉంటాయి. ఇవి మనల్ని కాలుష్యం బారినుంచి కాపాడటంలో సహాయకారిగా నిలుస్తాయి.
శ్వాస వ్యవస్థ శుద్ధిలో:
కాలుష్యం వల్ల వెలువడే ధూళి కణాలు ఊపిరితిత్తులకు తీవ్ర హాని చేస్తాయి. ఈ క్రమంలో బెల్లం శ్వాసనాళాల శుద్ధికి దోహదపడుతుంది. వ్యర్థాలు, కాలుష్య కారకాలను తొలగిస్తుంది. వాయుకాలుష్యం ముప్పును తగ్గిస్తుంది.
బెల్లం శక్తిమంతమైన పోషకాల గని. వ్యాధి నిరోధక వ్యవస్థను బలోపేతం చేస్తుంది. కాలుష్యం వల్ల తలెత్తే ఆక్సిడేటివ్ స్ట్రెస్ నుంచి మనల్ని మనం రక్షించుకోవడానికి.. శరీరానికి బలమైన రోగ నిరోధక వ్యవస్థ అవసరం. కాలుష్యం వల్ల ఎదురయ్యే ఆరోగ్య సమస్యలపై పోరాటానికి శరీరానికి తగిన బలాన్ని ఇస్తుంది బెల్లం.
శరీరంలో పేరుకున్న టాక్సిన్లను కాలేయం బయటికి పంపుతుంది. ఈ ప్రక్రియలో బెల్లం సహాయకారిగా ఉంటుంది. పారిశ్రామిక, వాహన కాలుష్యం బారినపడినప్పుడు, కాలుష్య పదార్థాలను శరీరం నుంచి తరిమేయడంలో ముందువరుసలో ఉంటుంది.