Visit:
Corporate Look For Govt Schools
సాఫ్ట్‌వేర్‌ కంపెనీలో పనిచేసే ఓ ఉద్యోగి కుమారుడు కార్పొరేట్‌ స్కూల్లో చదువుతున్నాడు.
అయితే, సర్కారు బడుల్లో ఉత్తమ ఫలితాలు రావడం, కార్పొరేట్‌ హంగులతో సౌకర్యాలు కల్పించడం..
ప్రైవేట్‌కు దీటుగా విద్యాబోధన సాగుతుండటంతో ఆయన తన కుమారుడిని ప్రభుత్వ పాఠశాలలో చేర్పించాడు. ఇలా ఎంతోమంది సర్కారు బడి వైపు పరుగులు తీస్తున్నారు.
సీఎం కేసీఆర్‌ చొరవతో ప్రభుత్వ పాఠశాలల రూపురేఖలు మారడంతో తల్లిదండ్రులు అడ్మిషన్ల కోసం సిఫారసులు చేస్తున్నారు.
మహానగరం.. అందున ఐటీ కారిడార్‌.. జాతీయ, అంతర్జాతీయ సంస్థలు, ఐటీ కంపెనీలు కొలువుదీరిన ప్రాంతం..
అక్కడ నివసించేవారికి డబ్బులకు కొదువ లేదు. తమ పిల్లలను లక్షలు పెట్టి కార్పొరేట్‌ స్కూళ్లలో చదివించే స్థోమత వారికున్నది.
కానీ, వారి దృష్టి ఇప్పుడు సర్కార్‌బడులపై పడింది. ప్రభుత్వ పాఠశాలలో క్వాలిఫైడ్‌ టీచర్లు బోధిస్తుండటం..
ఇంగ్లిష్‌ మీడియం, ‘మన ఊరు- మన బడి’తో బడుల్లో సకల సౌకర్యాలు ఒనగూరడం.. ఉచితంగా పాఠ్యపుస్తకాలు, నోటుబుక్స్‌, యూనిఫారాలు అందించడం..