నదిలో ఎడారి
గతమంతా పచ్చని పైరులతో పరవశించిన నేలంతా..నెర్రలిడి
నదిలో ఎడారి మొలిసింది
నీటిసుక్కలన్నింటి మింగేసి..
ఎదలో దుఃఖాన్ని పారిస్తుం
పంటకాపు మాగాణి సాళ్లలో..
పల్లెర్లను మొలిపిస్తుంది
గతమంతా పచ్చని పైరులతో
పరవశించిన నేలంతా..నెర్రలిడి
నోళ్లుతెరిసి…పచ్చికబయళ్లను కబళించింది.
ధాన్యపు రాసుల ఇలాకాలో…
ఇసుక కుప్పలను పేర్చింది
అన్నదాత జీవితాన ఆనందాన్ని నరికేసింది
కనకవర్షాన్ని దూరం చేసి కన్నీటి వర్షాన్ని మిగిల్చింది
హాలికుడి ఆర్తనాదాలను వింటుందా అంబరం
కృషీవలుడి కన్నీటిని చూసి..కురిపిస్తుందా అంబుదం
నేద్యకాడి ఇంట వెలుస్తుందా సంబరం
వానధారలను రాల్చుతుందా వసంతం
ఏడారి దారిలో సాగుతుందా రైతు జీవితం
కరువుకోరల్లో చిక్కుకొని చిందిస్తుంది
ఆకుపచ్చని పంటల రాగం
చినుకుజాడ కరువై మదనపడుతుంది నదీగర్భం
జ్ఞాపకాన్ని నెమరేస్తూ కుమిలిపోతుంది సలిలం
పొలిమేర్లన్నీ పచ్చగా పండాలంటే కర్షకుడు
కన్నీటి చరిత్రను రాయాలి
బీడుపడ్డ భూమిలో పసిడి సిరులు కురవాలంటే
దేహాన్ని మంచుకొండలా కరిగించాలి
పారుతున్న కాలువల్లో ఎడారి దర్శనమిస్తుంటే
తనువులోంచి రుధిరాన్ని చిందించాలి
ఎగురుతున్న అలలను నరికేసిన కాలానికి
నాలుగు మెతుకులు సవాలు విసురుతున్నాయి.
కరువుకోరల్లో చిక్కుకొన్న ప్రకృతికి
కాళేశ్వరం జలధారలు గుర్తొస్తున్నాయి.
చెట్లన్నీ గతంలో పొంగిన పాలపొంగుల నీటిధారుల
జాడను వెతుకుతున్నాయి
పొలాలన్నీ ఆకాశాన్నితాకేల పొంగిన ఉదకం
జాడెక్కడని అన్వేషిస్తున్నాయి
పురుడు పోసుకుంటున్న మొక్కలన్ని ..
ఆయువును విడిచి నేలరాలుతున్నాయి
రేపటి భవిష్యత్తును ప్రశ్నిస్తున్నాయి.!
-అశోక్ గోనె, 9441317361
Read Today's Latest Editpage News in Telugu and Telugu News
RELATED ARTICLES
తాజా వార్తలు
Suicide attempt | సాగునీటిని అడ్డుకున్న మంత్రి వివేక్ అనుచరులు.. రైతు ఆత్మహత్యాయత్నం
భద్రాద్రి జిల్లాలో పిల్లల ప్రజావాణి
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Illegal assets | ఆదాయానికి మించి అక్రమ ఆస్తులు.. టీపీవోపై కేసు నమోదు
Harish Rao | పదేండ్లు తట్టెడు మట్టి ఎత్తకుండా కాంగ్రెస్ సర్కార్ కాలయాపన : హరీశ్ రావు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

