పల్లవి: రెండువేల పద్నాలుగు జూన్ రెండు
తెలంగాణ తల్లికి విముక్తి మెండు
నాలుగుకోట్ల జన గుండెల నిండా
రత్నాల వీణల మోగిన దండు
చ: బంగారు తెలంగాణకు బాటపడింది
భవిష్యత్ మీద ఆశ కలిగింది
కేసీఆర్ మనకు సీయం అయ్యిండు
సంక్షేమ ఫలాలు సమృద్ధిగిస్తుండు
చ: సమగ్ర సర్వేనే సాక్షమయ్యింది
సకల జనులంత సంతోసించిండ్రు
అవసాన దశలోని అవస్థలు చూసి
ఆసరాగుంటానని అభయమిచ్చిండు
చ: ఆ ఆసరా పథకమే ఆశాదీపమై
ముసలోళ్లకెంతో ఉశారునిచ్చింది
తల పాగా చెరువులు తళతళ మెరిసి
ఊరూర చెరువులు జల కళతెచ్చినవి
చ: తెలంగాణ చెల్లికి మనసున్న అన్నగా
అపర పురుషోత్తముడై ఆదుకున్నాడు
కల్యాణలక్ష్మికి అక్షింతలు వేసి
ఆడబిడ్డల తండ్రికి దేవుడయ్యిండు
చ: అంగన్వాడికి బంగారమయ్యి
బతుకమ్మ పండుగకు బలమెంతో ఇచ్చిండు
తెలంగాణ తల్లికి బంగారు కొడుకై
భారతదేశానికి పేరు తెస్తుండు
– వాకిటి రామ్రెడ్డి
90007 02093