Sri Rama Navami 2026 | సీతారాముల కల్యాణం నేడే ఎందుకు?

Sri Rama Navami 2026 | చైత్ర శుద్ధ నవమి పునర్వసు నక్షత్రంలో శ్రీరాముడు జన్మించాడు. ఆ పర్వదినాన్ని శ్రీరామనవమిగా చేసుకుంటారు. ఈ సందర్భంగా ఊరూవాడా సీతారాముల కల్యాణం జరుపుతారు.

Sri Rama Navami 2026 | నిజానికి సీతారామ కల్యాణం ఉత్తర ఫల్గుణి నక్షత్ర యుక్త వైశాఖ శుద్ధ దశమి నాడు జరిగింది. కానీ, ‘మహతాం జన్మనక్షత్రే వివాహం’ అంటుంది ఆగమశాస్త్రం.మహాత్ములు, అవతారమూర్తుల జన్మతిథి నాడు ఆ నక్షత్రంలో కల్యాణం చేయాలని శాస్త్ర వచనం. చైత్ర శుద్ధ నవమి పునర్వసు నక్షత్రంలో శ్రీరాముడు జన్మించాడు. ఆ పర్వదినాన్ని శ్రీరామనవమిగా చేసుకుంటారు. ఈ సందర్భంగా ఊరూవాడా సీతారాముల కల్యాణం జరుపుతారు.

ఇలా పూజిద్దాం శ్రీరామచంద్రుణ్ని అనేక రకాలుగా పూజించవచ్చు

• శ్రీరామ అష్టోత్తర పారాయణం చేయవచ్చు. రామరక్షా స్తోత్రం, ఆపదుద్ధారక స్తోత్రం వంటి రామస్తోత్రాలు శ్రీరామనవమి సందర్భంగా పారాయణం చేయాలి.
• ‘శ్రీరామాయ నమః’ అనే మంత్రం జపం చేయవచ్చు. మంత్రోపదేశం ఉన్నవాళ్లు మాత్రమే, గురువు ఆదేశానుసారం దీనిని జపించాల్సి ఉంటుంది.
• ‘శ్రీరామ’ నామాన్ని సాధ్యమైనన్ని పర్యాయాలు జపించొచ్చు. ‘హరేరామ హరేరామ రామరామ హరేహరే, హరేకృష్ణ హరేకృష్ణ కృష్ణకృష్ణ హరేహరే’ మంత్రాన్ని యథాశక్తి చేసుకోవచ్చు.
• నిత్యదేవతార్చనలో భాగంగా షోడశ ఉపచార విధులతో స్వామివారి పూజ చేయవచ్చు.
• రామకోటి రాయడం, రామ భజన చేయడం కూడా అర్చనలో భాగమే!