Kottankulangara Devi Temple | గుడిలోకి వెళ్లాలంటే సంప్రదాయ దుస్తులు ధరించాలి. ఇప్పుడు దాదాపు అన్ని దేవాలయాల దగ్గర ఈ నియమాన్ని కట్టుదిట్టంగా అమలు చేస్తున్నారు. అయితే కేరళలోని ఒక ఆలయంలో మాత్రం ఒక భిన్నమైన ఆచారం ఉన్నది.
కొల్లం జిల్లాలో కొట్టాన్ కొల్లారా ఆలయం ఉన్నది. ఇక్కడి అమ్మవారు ఎంతో మహిమాన్వితమైనదని నమ్ముతారు జనాలు. అయితే ఈ ఆలయంలో ఒక విచిత్రమైన ఆచారం ఉన్నది. పురుషులకు అనుమతి లేదు. అయితే వెళ్లాలకుంటే వారు ఆడవారిలా చీరకట్టుకుని, కళ్లకు కాటుక పెట్టుకుని, పెదవులకు లిప్స్టిక్, తలలో పూలు పెట్టుకుంటే ఆలయంలోకి అనుమతిస్తారట. అలా అలంకరించుకునేందుకు ఆలయంలో తగిన ఏర్పాట్లు కూడా ఉంటాయట. ఆరోగ్యం, వివాహం, విద్య, ఉద్యోగం.. ఇలా ఏ అంశంలోనైనా సమస్య వచ్చినప్పుడు అమ్మవారిని వేడుకుంటారు భక్తులు. అనుకున్నవి జరుగగానే వచ్చి మొక్కులు చెల్లించుకొంటారు. అయితే ఈ ఆచారం వెనుక చాలా కథలు ప్రచారంలో ఉన్నాయి. ఒకసారి కొందరు పశువుల కాపరులు చీరలు ధరించి దగ్గరలో ఉన్న ఒక రాయికి పూజలు చేశారట. అందులో దైవశక్తిని గమనించి కొట్టన్గా పిలిచి గుడి కట్టారట. అప్పట్నుంచి పురుషులు స్త్రీ వేషధారణలో ఇక్కడ పూజలు చేయడం ఆనవాయితీగా వస్తున్నది. ఓసారి కొబ్బరికాయను ఈ రాయికేసి కొడితే రక్తం వచ్చినట్టు చెబుతారు. అప్పట్నుంచి ఈ రాయిని మరింత విశిష్టమైనదిగా భావిస్తున్నారు. అంతేకాదు, ఈ రాయి పరిమాణం పెరుగుతూ వస్తున్నదని చెబుతున్నారు.
“హైదరాబాద్ సమీపంలో ఉన్న మరకత శివలింగ ఆలయం ప్రాముఖ్యత తెలుసా”