Govindaraja Swamy Brahmotsavam | 26 నుంచి గోవిందరాజస్వామి వార్షిక బ్రహ్మోత్సవాలు..

Govindaraja Swamy Brahmotsavam | ఈ నెల 26 నుంచి జూన్‌ 3 వరకు తిరుపతిలోని గోవిందరాజ స్వామి వార్షిక బ్రహ్మోత్సవాలు జరుగనున్నాయి. వేడుకలను వైభవంగా నిర్వహించేందుకు తిరుమల తిరుపతి దేవస్థానం ఏర్పాట్లు పూర్తి చేసింది. ఉత్సవాలు 25న అంకురార్పణతో ప్రారంభంకానున్నాయి.

Govindaraja Swamy Brahmotsavam | ఈ నెల 26 నుంచి జూన్‌ 3 వరకు తిరుపతిలోని గోవిందరాజ స్వామి వార్షిక బ్రహ్మోత్సవాలు జరుగనున్నాయి. వేడుకలను వైభవంగా నిర్వహించేందుకు తిరుమల తిరుపతి దేవస్థానం ఏర్పాట్లు పూర్తి చేసింది. ఉత్సవాలు 25న అంకురార్పణతో ప్రారంభంకానున్నాయి. వార్షిక వేడుకల్లో ప్రతి రోజు ఉదయం, రాత్రి 7 గంటల నుంచి 9 గంటల వరకు వాహనసేవలు జరుగనున్నాయి. 26న ధ్వజారోహణం, పెద్దశేష వాహన సేవ జరుగనున్నది. 27న చిన్న శేషవాహన సేవ.. హంసవాహనం, 28 సింహ వాహనం, ముత్యపుపందిరి వాహనసేవపై గోవిందరాజస్వామి విహరించనున్నారు.

29న కల్పవృక్ష వాహనం, సర్వభూపాల వాహనసేవలు జరుగుతాయి. 30న ఉదయం మోహినీ అవతారం స్వామివారు కటాక్షించనున్నారు. అదే రోజు రాత్రి గరుడ వాహనం భక్తులను అనుగ్రహిస్తారు. 31న హనుమంత, గజవాహనసేవలపై విహరిస్తారు. జూన్‌ 1న సూర్యప్రభ, చంద్రప్రభ వాహనాలపై విహరిస్తారు. 2న రథోత్సవం, అశ్వవాహన సేవలు జరుగనున్నాయి. 3న చక్రస్నానం, ధ్వజావరోహణంతో ఉత్సవాలు ముగుస్తాయి. వేడుకల సందర్భంగా టీటీడీ హిందూ ధర్మప్రచార పరిషత్‌, అన్నమాచార్య ప్రాజెక్ట్, దాససాహిత్య ప్రాజెక్టుల ఆధ్వర్యంలో నిత్యం ఆధ్యాత్మిక, భక్తి సంగీత, సాంస్కృతిక కార్యక్రమాలు నిర్వహించనున్నట్లు తిరుమల తిరుపతి దేవస్థానం వివరించింది.