అహ్మదాబాద్ : తన భార్యను తనకు కాకుండా చేశారనే కోపంతో మామపై హత్యాయత్నానికి తెగబడిన మాజీ భర్త ఉదంతం గుజరాత్లో వెలుగుచూసింది. నిందితుడిని అహ్మదాబాద్లోని భుదార్పురాకు చెందిన పాన్ షాప్ నిర్వాహకుడు రాహుల్ ముచదియ (24)గా గుర్తించారు.
పోలీసులు తెలిపిన వివరాల ప్రకారం రాహుల్ మంగళవారం తన మాజీ భర్త తండ్రి మన్సిక్ ముచదియపై హత్యాయత్నానికి తెగబడ్డాడు. మన్సిక్ భార్యతో కలిసి బైక్పై తన ఇంటికి వెళుతుండగా భుదార్పుర వద్ద రాహుల్ అతడిని అడ్డగించి కత్తితో ఛాతీ, గొంతు భాగాల్లో పొడిచాడు. బాధితుడిని ఆస్పత్రికి తరలించగా వైద్యులు చికిత్స అందిస్తున్నారు. ప్రస్తుతం మన్సిక్ ఆరోగ్య పరిస్ధితి విషమంగా ఉందని వైద్యులు తెలిపారు.
మన్సుక్ కూతురు జిగ్నా నాలుగేండ్ల కిందట రాహుల్తో పారిపోయిందని ఆపై అతడితో విభేదాలు రావడంతో వేరుగా ఉంటోంది. అప్పటి నుంచి జిగ్నాతో పాటు ఆమె కుటుంబసభ్యులను రాహుల్ వేధిస్తున్నాడు. నిందితుడిపై కేసు నమోదు చేసిన పోలీసులు అతడిని అరెస్ట్ చేశారు.