న్యూఢిల్లీ : ఆన్లైన్లో విటులను ఆకర్షిస్తూ గుట్టుచప్పుడు కాకుండా వ్యభిచార దందా సాగిస్తున్న ముఠా గుట్టును నోయిడా పోలీసులు రట్టు చేశారు. ఈ ఘటనలో ఇద్దరు నిందితులను అరెస్ట్ చేసిన పోలీసులు పెద్దమొత్తంలో నగదును స్వాధీనం చేసుకున్నారు.
నగరంలో సెక్స్ దందా విచ్చలవిడిగా సాగుతోందన్న సమాచారంతో నోయిడా పోలీసులు, యాంటీ హ్యూమన్ ట్రాఫికింగ్ యూనిట్ (ఏహెచ్టీయూ) సంయుక్త ఆపరేషన్ చేపట్టి చీకటి దందా సాగిస్తున్న ముఠా సభ్యులు ఇద్దరిని అదుపులోకి తీసుకున్నారు. ఈ ముఠా నోయిడాలో చాలా కాలంగా ఆన్లైన్ వ్యభిచార రాకెట్ను నిర్వహిస్తోంది.
గూగుల్లో వెబ్సైట్స్ ఏర్పాటు చేసి వాటి ద్వారా కస్టమర్లను వాట్సాప్ గ్రూపుల్లో చేరమని కోరతామని నిందితులు దర్యాప్తులో వెల్లడించారు. ఒప్పందం కుదరగానే తాము కస్టమర్ వద్దకు యువతులను పంపుతామని వారు తెలిపారని నోయిడా అదనపు డీసీపీ రణ్విజయ్ సింగ్ వెల్లడించారు. నిందితులను ప్రశ్నిస్తున్నామని ఈ రాకెట్లో ఇంకా ఎవరెవరికి ప్రమేయం ఉందని ఆరా తీస్తున్నామని చెప్పారు.