పనసకాయ ముక్కలు: ఒక కప్పు (పచ్చివి), బ్రెడ్ స్లెసెస్: నాలుగు, క్యారెట్, క్యాబేజి తురుము: ఒక టేబుల్ స్పూన్ చొప్పున, ఉల్లిగడ్డలు: రెండు, టమాట: ఒకటి, వెన్న: ఒక టేబుల్ స్పూన్, కారం: ఒక టీస్పూన్, నూనె: రెండు టేబుల్ స్పూన్లు, పచ్చిమిర్చి: ఆరు, ఉప్పు: తగినంత, పసుపు: పావు టీస్పూన్, జీలకర్ర, ఆవాలు: పావు టీస్పూన్ చొప్పున, పెరుగు: అర కప్పు, మిరియాల పొడి: పావు టీస్పూన్.
ముందుగా కుక్కర్లో పనసకాయ ముక్కలు, పచ్చిమిర్చి, కొద్దిగా ఉప్పు, పసుపు వేసి లీటరు నీళ్లు పోసి.. నాలుగు విజిల్స్ వచ్చేవరకు ఉడికించాలి. పనస ముక్కల్ని ప్లేట్లో వేసి ఫోర్క్తో బాగా నొక్కాలి. ఒక గిన్నెలో క్యాబేజి, క్యారెట్ తురుము, తరిగిన టమాట, ఒక ఉల్లిగడ్డ తురుము, మిరియాల పొడి, ఉప్పు, పెరుగు వేసి బాగా కలిపి వెజిటబుల్ సలాడ్ చేసి పెట్టుకోవాలి. స్టవ్మీద పాన్పెట్టి నూనె వేడయ్యాక ఆవాలు, జీలకర్ర, ఉల్లిగడ్డ ముక్కలు వేసి దోరగా వేయించాలి. బాగా వేగాక పనస మిశ్రమం, కారం, ఉప్పు జోడించి.. అయిదు నిమిషాలపాటు మగ్గనివ్వాలి. స్టవ్మీద పెనం బాగా వేడయ్యాక వెన్న వేసి బ్రెడ్ ైస్లెసుల్ని రెండు వైపులా కాల్చుకోవాలి. ఒక బ్రెడ్ ముక్కపై పనస మిశ్రమం, వెజిటబుల్ సలాడ్ పరిచి పైనుంచి మరో బ్రెడ్ ముక్క పెట్టుకుంటే నోరూరించే శాండ్విచ్ సిద్ధం.