అవకాడో సలాడ్‌

కావలసిన పదార్థాలు: అవకాడో: రెండు, టమాట: ఒకటి, నిమ్మరసం: 3 టేబుల్‌ స్పూన్లు, ఆలివ్‌ ఆయిల్‌: 3 టేబుల్‌ స్పూన్లు, తేనె: 2 టేబుల్‌ స్పూన్లు, ఉల్లిపాయ: ఒకటి, పచ్చిమిర్చి: రెండు, ఉప్పు, నల్ల మిరియాల పొడి: తగినంత, పుదీనా: ఒక కప్పు, పిస్తా పప్పు: పావు కప్పు
తయారీ విధానం: నిమ్మరసం, ఆలివ్‌ ఆయిల్‌, తేనె, సన్నగా తరిగిన టమాట, ఉల్లిపాయ, పచ్చిమిర్చి ముక్కల్ని ఒక గిన్నెలో వేసి బాగా కలుపాలి. ఆ మిశ్రమంపై ఉప్పు, నల్ల మిరియాల పొడి చల్లి బాగా కలిపి 15 నిమిషాల నుంచి గంటపాటు పక్కన పెట్టాలి. సర్వ్‌ చేసే ముందు చిన్నగా తరిగిన అవకాడో ముక్కలు కలిపి దానిపై పుదీనా, కొద్దిగా ఉప్పు, మిరియాల పొడి చల్లాలి. చివరగా పైనుంచి పిస్తా పప్పును సన్నగా తరిగి చల్లుకుంటే అవకాడో సలాడ్‌ రెడీ.