Rave Party | కర్ణాటక రాజధాని బెంగళూరు (Bengaluru)లో ఆదివారం ఓ రేవ్ పార్టీ జరిగిన విషయం తెలిసిందే. ఈ రేవ్ పార్టీలో టాలీవుడ్కు చెందిన ప్రముఖులతో పాటు పలువురు రాజకీయ నేతలు ఉన్నట్లు తెలుస్తుంది. ఇక ఈ రేవ్ పార్టీలో డ్రగ్స్ కూడా వాడినట్టు పోలీసులు గుర్తించారు. రేవ్ పార్టీ జరిగిన ప్రదేశాన్ని పాలీసులు, నార్కోటిక్ అధికారులు పరిశీలించారు. కర్ణాటక, తెలుగు రాష్ట్రాలకు చెందిన వంద మందిని పోలీసులు అదుపులోకి తీసుకున్నట్లు తెలిసింది.
అయితే ఈ రేవ్ పార్టీలో ఏపీకి చెందిన ఎమ్మెల్యే కాకాణి గోవర్ధన్రెడ్డి పేరుతో ఉన్న బెంజ్ కారును పోలీసులు స్వాధీనం చేసుకున్నారు. దీంతో ఈ రేవ్ పార్టీలో కాకాణి గోవర్ధన్రెడ్డి ప్రమేయం కూడా ఉన్నట్లు వార్తలు వస్తున్నాయి. అయితే ఈ వార్తలపై తాజాగా గోవర్ధన్రెడ్డి స్పందించారు. బెంగళూరు (Bengaluru)లో జరిగిన రేవ్ పార్టీలో పట్టుబడ్డ కారుతో నాకు సంబంధం లేదు. ఆ కారు నాది కాదు. కారు మీద ఏ స్టిక్కర్ ఉందో తాను చూడలేదని తెలిపారు. తన పేరు మీద స్టిక్కర్ ఉందని వేరే వాళ్లు ఫోన్ చేస్తే తనకు తెలిసిందని వెల్లడించారు. ఈ క్రమంలోనే తనకు సంబంధం లేని ఘటనపై తాను స్పందించనని తెలిపారు.