Yatra-2 Movie | వైఎస్‌ఆర్‌ వాయిస్‌తో.. యాత్ర-2 మోషన్‌ పోస్టర్‌ రిలీజ్‌

Yatra-2 Movie Motion Poster | నాలుగేళ్ల కిందట వచ్చిన యాత్ర ఎంత పెద్ద విజయం సాధించిందో ప్రత్యేకించి చెప్పనవసరం లేదు. దివంగత నేత వై.ఎస్‌.రాజశేఖర్‌ రెడ్డి బయోపిక్‌గా తెరకెక్కిన ఈ సినిమా బాక్సాఫీస్‌ దగ్గర కోట్లు కొల్లగొట్టింది.

Yatra-2 Movie Motion Poster | నాలుగేళ్ల కిందట వచ్చిన యాత్ర ఎంత పెద్ద విజయం సాధించిందో ప్రత్యేకించి చెప్పనవసరం లేదు. దివంగత నేత వై.ఎస్‌.రాజశేఖర్‌ రెడ్డి బయోపిక్‌గా తెరకెక్కిన ఈ సినిమా బాక్సాఫీస్‌ దగ్గర కోట్లు కొల్లగొట్టింది. వైఎస్‌ఆర్‌ పాత్రలో మలయాళ నటుడు మమ్ముట్టి జీవించేశాడు. ఇక అప్పట్లోనే ఈ సినిమాకు సీక్వెల్‌ ఉంటుందని మేకర్స్‌ ప్రకటించారు. కాగా రీసెంట్‌గా ఈ సినిమా సీక్వెల్‌ను ఓ పోస్టర్‌తో అనౌన్స్‌చేశారు. నేనెవరో ఈ ప్రపంచానికి తెలియకపోవచ్చు. కానీ ఒక్కటి గుర్తు పెట్టుకోండి. నేను వై.ఎస్‌.రాజశేఖర్‌ రెడ్డి కొడుకుని అంటూ ఓ డైలాగ్‌ను యాడ్‌ చేసి పోస్టర్‌ను వదిలారు. దీనికి విపరీతమైన రెస్పాన్స్‌ వచ్చింది.

ఇక శనివారం వైఎస్‌ఆర్‌ జయంతి సందర్భంగా ఈ సినిమా మోషన్‌ పోస్టర్‌ను రిలీజ్‌ చేశారు. ఎన్నికల ప్రచార సమయంలో వైఎస్‌ఆర్‌ చెప్పిన మాటలతో వీడియో స్టార్ట్‌ అయింది. చివర్లో నేను విన్నాను.. నేను ఉన్నాను అనే డైలాగ్‌తో మోషన్‌ పోస్టర్‌ను కంప్లీట్‌ చేశారు. విజువల్స్ మాత్రం వేరే లెవల్లో ఉన్నాయి. మోషన్‌ పోస్టర్‌నే ఈ రేంజ్‌లో దింపితే.. సినిమా ఇక ఎలా ఉండబోతుందోనని అందరిలో ఆసక్తి క్రియేట్‌ అయింది. ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమా త్వరలోనే సెట్స్ మీదకు వెళ్లనుంది. రంగం నటుడు జీవా.. జగన్‌ మోహన్‌ రెడ్డి పాత్ర పోషించనున్నట్లు తెలుస్తుంది.