Yashodha Movie Collections | సరోగసి నేపథ్యంలో సమంత గర్భిణి పాత్రలో నటించిన లేటెస్ట్ చిత్రం ‘యశోద’. హరి-హరీష్ దర్శకత్వం వహించిన ఈ చిత్రం శుక్రవారం రిలీజై పాజిటీవ్ రివ్యూలను తెచ్చుకుంది. శివలెంక కృష్ణ ప్రసాద్ ఈ చిత్రాన్ని అత్యంత భారీ బడ్జెట్తో తెరకెక్కించాడు. రిలీజ్కు ముందు మేకర్స్ విడుదల చేసిన టీజర్లు, ట్రైలర్ సినిమాపై విపరీతమైన అంచనాలు క్రియేట్ చేశాయి. అంతేకాకుండా ఇటీవలే సమంత జరిపిన ప్రమోషన్లు కూడా సినిమాపై మంచి బజ్ క్రియేట్ చేశాయి. దాంతో ఈ చిత్రానికి భారీగా ఓపెనింగ్స్ వచ్చాయి.
‘యశోద’ మూవీ మొదటి రోజు రూ.6.32 కోట్ల గ్రాస్ను కలెక్ట్ చేసింది. ఇటీవల కాలంలో మీడియం బడ్జెట్ మూవీస్కు ఈ రేంజ్లో ఓపెనింగ్స్ రాలేదు. దీన్ని బట్టి చూస్తే సమంత క్రేజ్ ఏ రేంజ్లో ఉందో తెలుస్తుంది. యశోద చిత్రాన్ని పలు ఏరియాల్లో నిర్మాతలు ఓన్ రిలీజ్ చేసుకున్నారు. కాగా ఈ చిత్రం బ్రేక్ ఈవెన్ కోసం రూ.11.60 కోట్లు సాధించాల్సి ఉంటుంది. ఇక మొదటి రోజే ఏకంగా రూ.3.10 కోట్ల షేర్ను సాధించి బాక్సాఫీస్ దగ్గర సమంత స్టామినా ఏంటో నిరూపించింది. ఇలానే కంటిన్యూ అయితే ఫస్ట్ వీకెండ్లోనే ఈ చిత్రం 90% కలెక్షన్లను రికవరి చేస్తుంది.
సైన్స్ ఫిక్షన్ థ్రిల్లర్గా తెరకెక్కిన ఈ చిత్రంలో వరలక్ష్మీ శరత్కుమార్, ఉన్నీ ముకుందన్ కీలకపాత్రల్లో నటించారు. శ్రీదేవీ మూవీస్ పతాకంపై శివలెంక కృష్ణ ప్రసాద్ ఈ చిత్రాన్ని నిర్మించాడు. మణిశర్మ సంగీతం అందించిన ఈ చిత్రం ఆగస్టు 12నే విడుదల కావాల్సి ఉంది. కానీ పలు కారణాల వల్ల పోస్ట్ పోన్ అవుతూ వచ్చింది.