Visit:
1854 నుంచి 1878 మధ్య బ్రిటిష్ పాలనాకాలంలో జరిగిన యథార్థ చారిత్రక సంఘటనల ఆధారంగా రూపొందుతున్న భారీ పానిండియా పీరియాడిక్ యాక్షన్ డ్రామా ‘రణబాలి’. విజయ్ దేవరకొండ టైటిల్రోల్ పోషిస్తున్న ఈ చిత్రంలో రష్మిక మందన్న కథానాయిక. రాహుల్ సంకృత్యాన్ దర్శకుడు. మైత్రీమూవీమేకర్స్ పతాకంపై నవీన్ యెర్నేని, వై.రవిశంకర్ నిర్మిస్తున్న ఈ చిత్రం సెప్టెంబర్ 11న ప్రపంచవ్యాప్తంగా విడుదల కానున్నది. సోమవారం దర్శకుడు రాహుల్ సంకృత్యాన్ పుట్టిన రోజు. ఈ సందర్భంగా హీరో విజయ్ దేవరకొండ ఆయనకు శుభాకాంక్షలు తెలిపారు.
ఈ మేరకు సోషల్ మీడియా పోస్టు ద్వారా విజయ్ దేవరకొండ స్పందిస్తూ “టాక్సీవాలా’ సినిమా చేసి తొమ్మిదేళ్లవుతున్నది. ఈ తొమ్మిదేళ్లలో మన జీవితాలు ఎంతో మారాయి. అర్థవంతమైన కథలు రాయాలనే తపన, వాటిని అందంగా తెరకెక్కించాలనే ఇష్టం ఇప్పటికీ నీలో తగ్గలేదు. మనం కలిసి చేసింది రెండు సినిమాలే అయినా.. ఎన్నో పోరాటాలు చేశాం. తొలి సినిమాతో ప్రేక్షకాదరణ, ప్రేమ అందుకున్నాం. ‘రణబాలి’తో మరో విజయం సాధించాలి. రణబాలిగా నటించే అవకాశం దక్కినందుకు సంతోషిస్తున్నా. నీ ప్రతి ప్రయత్నం సఫలం కావాలి. మన సినిమాను ప్రేక్షకులు ఎప్పుడెప్పుడు చూస్తారా! అని వేచి చూస్తున్నా’ అన్నారు.
