Visit:
Will Smith | టాలీవుడ్ ఐకాన్ స్టార్ అల్లు అర్జున్, సక్సెస్ఫుల్ డైరెక్టర్ అట్లీ కాంబినేషన్లో వస్తున్న మోస్ట్ అంటెసిపేటెడ్ సైన్స్ ఫిక్షన్ యాక్షన్ ఎపిక్ ‘రాకా’ సినిమాపై అంచనాలు తారాస్థాయికి చేరుకుంటున్నాయి. ఇప్పటికే ఈ సినిమాలో భారీ తారగణం నటిస్తుండగా తాజాగా ఈ చిత్రానికి సంబంధించి సోషల్ మీడియాలో ఓ క్రేజీ రూమర్ హాట్ టాపిక్గా మారింది. ఈ సినిమాలో హాలీవుడ్ స్టార్ నటుడు, ఆస్కార్ అవార్డు గ్రహీత విల్ స్మిత్ ప్రధాన విలన్ పాత్రలో నటించబోతున్నట్లు సినీ వర్గాల్లో జోరుగా ప్రచారం జరుగుతోంది. ఒకవేళ ఈ వార్త నిజమైతే, విల్ స్మిత్ ఇండియన్ సినిమాల్లోకి అడుగుపెట్టడం ఇదే మొదటిసారి అవుతుంది. ఈ భారీ ప్రాజెక్ట్లో ఆయన పాత్రకు సంబంధించిన షూటింగ్ విదేశీ లొకేషన్లలో జరగనుందని, దీనికి సంబంధించి ఇప్పటికే కాస్ట్యూమ్స్ కూడా లాక్ చేశారని సమాచారం. అయితే, దీనిపై మేకర్స్ నుంచి ఇప్పటివరకు ఎలాంటి అధికారిక ప్రకటన వెలువడలేదు.
ఇదిలా ఉంటే, ఈ చిత్రంలో బాలీవుడ్ బాద్షా షారుఖ్ ఖాన్ కూడా కీలక పాత్రలో కనిపించనున్నట్లు తెలుస్తోంది. తన తదుపరి సినిమా షూటింగ్ ముగించుకున్న తర్వాత, షారుఖ్ ఖాన్ ఈ ఏడాది సెప్టెంబర్ తర్వాత ‘రాకా’ చిత్ర విదేశీ షెడ్యూల్లో జాయిన్ కానున్నట్లు సమాచారం. ఇక ఈ సినిమాలో అల్లు అర్జున్ ఏకంగా నాలుగు భిన్నమైన పాత్రల్లో కనిపించబోతున్నారని, పారలల్ యూనివర్స్ కాన్సెప్ట్ ఆధారంగా ఈ కథ నడుస్తుందని ప్రచారం జరుగుతోంది. భారీ తారాగణంతో తెరకెక్కుతున్న ఈ సైన్స్ ఫిక్షన్ డ్రామాలో దీపికా పదుకొనే, రష్మిక మందన్న, జాన్వీ కపూర్, మృణాల్ ఠాకూర్ తదితరులు కీలక పాత్రలు పోషిస్తున్నారు. అల్లు అర్జున్ పుట్టినరోజు సందర్భంగా ఏప్రిల్ 8న ఈ సినిమా టైటిల్ ‘రాకా’ను ఖరారు చేస్తూ ఫస్ట్ లుక్ పోస్టర్ను విడుదల చేసిన విషయం తెలిసిందే.
