Prabhas | ప్రభాస్ బర్త్‌డే స్పెషల్.. ‘ఫౌజీ’ గ్లింప్స్‌లో అసలు కథ ఏంటో చెప్పనున్న టీమ్!

Prabhas | పాన్ ఇండియా స్టార్ ప్రభాస్ పుట్టినరోజు సందర్భంగా ఆయన అభిమానులకు అదిరిపోయే కానుక అందించేందుకు ‘ఫౌజీ’ చిత్రబృందం సిద్ధమవుతోంది. అక్టోబర్ 23న ప్రభాస్ పుట్టినరోజు సందర్భంగా ఈ సినిమా నుంచి ప్రత్యేక వీడియో గ్లింప్స్ విడుదల చేయనున్నారు. ఈ విషయాన్ని మైత్రీ మూవీ మేకర్స్ నిర్మాతల్లో ఒకరైన రవిశంకర్ వెల్లడించారు. మౌళి

Prabhas | పాన్ ఇండియా స్టార్ ప్రభాస్ పుట్టినరోజు సందర్భంగా ఆయన అభిమానులకు అదిరిపోయే కానుక అందించేందుకు ‘ఫౌజీ’ చిత్రబృందం సిద్ధమవుతోంది. అక్టోబర్ 23న ప్రభాస్ పుట్టినరోజు సందర్భంగా ఈ సినిమా నుంచి ప్రత్యేక వీడియో గ్లింప్స్ విడుదల చేయనున్నారు. ఈ విషయాన్ని మైత్రీ మూవీ మేకర్స్ నిర్మాతల్లో ఒకరైన రవిశంకర్ వెల్లడించారు. మౌళి హీరోగా నటించిన ‘దొంగ నా కొడుకు’ సినిమా టీజర్ విడుదల కార్యక్రమంలో ఆయన ఈ వివరాలు పంచుకున్నారు. ప్రభాస్ నటిస్తున్న ‘ఫౌజీ’ సినిమాపై ఇప్పటికే ప్రేక్షకుల్లో భారీ అంచనాలు ఉన్నాయి. అయితే, ఇప్పటివరకు ఈ సినిమా కథాంశం, ప్రభాస్ పాత్రకు సంబంధించిన వివరాలు పూర్తిస్థాయిలో బయటకు రాలేదు.

ఈ నేపథ్యంలో పుట్టినరోజు సందర్భంగా విడుదల చేయనున్న గ్లింప్స్‌లో కథకు సంబంధించిన కీలక అంశాలను పరిచయం చేయనున్నట్లు తెలుస్తోంది.సినిమా ప్రధాన కథాంశం ఏమిటి? కథ ఏ నేపథ్యంలో సాగుతుంది? ప్రభాస్ పాత్ర ఎలా ఉండబోతోంది? వంటి విషయాలపై ప్రేక్షకులకు అవగాహన కల్పించేలా ఈ వీడియోను రూపొందించినట్లు రవిశంకర్ తెలిపారు. ఈ గ్లింప్స్‌ ద్వారా సినిమాలో ప్రభాస్ పాత్ర స్వభావం, కథలోని ప్రధాన అంశాలపై కొంత స్పష్టత వచ్చే అవకాశం ఉంది. ప్రభాస్ పుట్టినరోజు సందర్భంగా విడుదలయ్యే వీడియోపై అభిమానులు భారీ అంచనాలు పెట్టుకోవద్దని రవిశంకర్ సూచించారు.

ఇది సినిమా మొత్తాన్ని పరిచయం చేసే పెద్ద వీడియో కాదని, కేవలం కథా నేపథ్యాన్ని, హీరో పాత్రను తెలియజేసే చిన్న గ్లింప్స్ మాత్రమేనని వివరించారు. అక్టోబర్ 23న విడుదల కానున్న ఈ ప్రత్యేక వీడియో కోసం ప్రభాస్ అభిమానులు ఆసక్తిగా ఎదురుచూస్తున్నారు. గ్లింప్స్‌లో ఎలాంటి సన్నివేశాలు చూపించనున్నారు? ప్రభాస్ పాత్ర ఎలా ఉండబోతోంది? అనే అంశాలపై ప్రస్తుతం ఆసక్తి నెలకొంది.