Vishnu Priya: పెళ్లిపై నోరు విప్పుతున్న ప్ర‌ముఖ యాంక‌ర్లు.. వ‌చ్చే ఏడాది సింగిల్‌గా ఉండ‌నన్న హాట్ బ్యూటీ

బుల్లితెరపై త‌మ మాట‌ల గార‌డీతో ఎంతో మంది ప్రేక్ష‌కుల మ‌న‌సులు గెలుచుకున్న అందాల ముద్దుగుమ్మ‌లు ఇప్పుడు పెళ్లి పీట‌లు ఎక్కేందుకు ఆస‌క్తి చూపుతున్నారు. ఆ మ‌ధ్య శ్రీముఖి త‌న పెళ్లిపై స్పందిస్తూ.. నాకు 28 ఏళ్లు వచ్చేశాయి.. 31 ఏళ్లకు పెళ్లి చేసుకోవాలని అనుకుంటున్నా.. ఎందుకంటే 3+1=4.. నా లక్కీ నంబర్ నాలుగు అందుకే 31 ఏళ్లకి పెళ్లి చేసుకోవాలని అనుకుంటున్నా.. నాకు 31 ఏళ్లు వచ్చేసరికి నాకు మంచి సెన్సిబుల్ పర్సన్ దొరుకుతాడనే నమ్మకం, ఆశ ఉంది. అందుకే వెయిట్ చేస్తున్నా’ అంటూ క్లారిటీ ఇచ్చింది .

ఇక మ‌రో హాట్ బ్యూటీ విష్ణు ప్రియ‌.. వ‌చ్చే ఏడాది పెళ్లి చేసుకుంటానంటూ హింట్ ఇచ్చింది. న‌వంబ‌ర్ 11న సింగిల్స్ డే కావ‌డంతో త‌న పెళ్లిపై ఓపెన్ అయింది. సింగిల్‌గా ఉన్నవాళ్లు చేతులెత్తండి అంటూ ఓ పోస్ట్ చేసింది. అంతేకాదు… వచ్చే ఏడాది ఈ సమయానికి నేను సింగిల్‌గా ఉండను… కానీ సింగిల్‌గా ఉండటమే ఎంతో బాగుందని పేర్కొంది. విష్ణుప్రియ పోస్ట్‌ని బట్టి ఆమె వచ్చే ఏడాది ఈ సమయానికి ఇల్లాలు కాబోతుందని చెప్పకనే చెప్పింది.

విష్ణు ప్రియ ఈ మధ్య ది బ్యూటీ అండ్ బేకర్స్ అనే వెబ్ సిరీస్‌లో కనిపించింది. ఈ సిరీస్ లో ఆమె సంతోష్ శోభన్ ప్రేయసిగా కనిపించింది. ఇక ఆమె రానున్న రోజుల‌లో మ‌రిన్ని వెబ్ సిరీస్‌లు ఒప్పుకుంటుందనే ప్రచారం జరుగుతోంది .