Virinchi Varma | ఉయ్యాల జంపాల (Uyyala Jampala ) సినిమాతో డైరెక్టర్గా సూపర్ ఎంట్రీ ఇచ్చాడు విరించి వర్మ (Virinchi Varma). విలేజ్ లవ్ స్టోరీ నేపథ్యంలో తెరకెక్కిన ఈ చిత్రం బాక్సాఫీస్ వద్ద సూపర్ హిట్ టాక్ తెచ్చుకుంది. ఆ తర్వాత నానితో కలిసి మజ్ను (2016) తెరకెక్కించాడు. ఈ సినిమా తర్వాత లాంగ్ గ్యాప్ తీసుకున్నాడు విరించి వర్మ. సుమారు ఏడేండ్ల విరామం తర్వాత మళ్లీ కొత్త మూవీకి సంబంధించిన అప్డేట్ ఇచ్చేశాడు విరించి వర్మ.
ఇంకా టైటిల్ ఫిక్స్ కానీ ఈ ప్రాజెక్ట్ షూటింగ్ను మొదలుపెట్టేశాడు విరించి వర్మ. ప్రస్తుతం హైదరాబాద్లో షూటింగ్ కొనసాగుతోంది. తెలంగాణలో జరిగిన వాస్తవ సంఘటనల నేపథ్యంలో సాగే యాక్షన్ డ్రామాగా ఈ సినిమా ఉండబోతుందని తాజా సమాచారం. ఈ చిత్రంలో నందమూరి కళ్యాణ్ రామ్ లీడ్ రోల్లో నటించబోతున్నట్టు వార్తలు రాగా.. దీనిపై అధికారిక ప్రకటన రావాల్సి ఉంది.
ముడుగంటి క్రియేషన్స్ డెబ్యూ సినిమాగా రాబోతున్న ఈ చిత్రానికి పాపులర్ మలయాళ కంపోజర్ గోపీ సుందర్ సంగీతం అందించనున్నాడు. ఈ సినిమా కోసం పనిచేయబోయే నటీనటులు, ఇతర సాంకేతిక నిపుణుల వివరాలపై త్వరలోనే క్లారిటీ రానుంది.