Vikranth Rona Collections | కన్నడ స్టార్ హీరో సుదీప్ కిచ్చా ప్రధాన పాత్రలో నటించిన లేటెస్ట్ చిత్రం ‘విక్రాంత్ రోణ’. అనూప్ భందారి దర్శకత్వం వహించాడు. ఫాంటసీ యాక్షన్ థ్రిల్లర్ నేపథ్యంలో తెరకెక్కిన ఈ చిత్రం జూలై 28న విడుదలై పాజిటీవ్ టాక్ తెచ్చుకుంది. మొదటి రోజే దాదాపు రూ.27 కోట్లు కలెక్ట్ చేసి సుదీప్ కెరీర్లోనే హైయెస్ట్ ఓపెనింగ్స్ను రాబట్టింది. పాన్ ఇండియా సినిమాగా విడుదలైన ఈ చిత్రం అన్ని చోట్ల మంచి కలెక్షన్లను రాబడుతూ బాక్సాఫీస్ దగ్గర దూసుకుపోతుంది. ఈ ఏడాది అత్యధిక ఓపెనింగ్స్ వచ్చిన టాప్-5 సౌత్ సినిమాలలో విక్రాంత్ రోణ నిలిచింది. తాజాగా ఈ చిత్రం తెలుగులో బ్రేక్ ఈవెన్ను పూర్తి చేసుకుంది.
విక్రాంత్ రోణ చిత్రానికి తెలుగులో కోటిన్నర వరకు థియేట్రికల్ బిజినెస్ జరిగింది. మూడు రోజులు పూర్తయ్యే సరికి ఈ చిత్రం రూ.1.91 కోట్ల షేర్ను సాధించి సూపర్ హిట్గా నిలిచింది. పోటీగా తెలుగు స్ట్రైయిట్ సినిమా ఉన్నా ఈ చిత్రం కేవలం మూడు రోజుల్లోనే బ్రేక్ ఈవెన్ పూర్తి చేసుకుందంటే విశేషం అనే చెప్పాలి. ఇలానే కంటిన్యూ అయితే ఈ చిత్రం ఫైనల్గా పది కోట్ల వరకు షేర్ను సాధిస్తుందనడంలో అతిశయోక్తి కాదు. ఈ చిత్రాన్ని షాలిని ఆర్ట్స్, ఇన్వేనియో ఫిలింస్ ఇండియా సంస్థలతో కలిసి సుదీప్ స్వీయ నిర్మాణంలో తెరకెక్కించాడు. బాలీవుడ్ భామ జాక్వెలీన్ ఫెర్నాండెజ్ కీలకపాత్రలో నటించింది. ఇక ఈ ఏడాది కన్నడ నుండి వచ్చిన ‘జేమ్స్’, ‘కేజీఎఫ్-2’, ‘చార్లీ777’ సినిమాలు కూడా టాలీవుడ్లో మంచి విజయాలు సాధించాయి. కంటెంట్ ఉంటే డబ్బింగ్ సినిమాలు కూడా స్ట్రైయిట్ తెలుగు సినిమాలకంటే ఎక్కువ కలెక్షన్లు రాబడతాయని ఈ సినిమాలు నిరూపించాయి.