Vikram Movie | లోకనాయకుడు కమల్హాసన్ ఆరు పదుల వయసు దాటినా యువ హీరోలకు ధీటుగా యాక్షన్ సినిమాలను చేస్తున్నాడు. ఈయన నటించిన లేటెస్ట్ చిత్రం ‘విక్రమ్’. మాస్టర్ ఫేం లోకేష్ కనగరాజు దర్శకత్వం వహించిన ఈ చిత్రం భారీ యాక్షన్ ఎంటర్టైనర్గా తెరకెక్కింది. గతేడాది విడుదలైన టైటిల్ టీజర్ నుంచి ఇటీవలే విడుదలైన మేకింగ్ గ్లింప్స్ వరకు ప్రతి ఒక్కటి ప్రేక్షకులను విపరీతంగా ఆకట్టుకున్నాయి. గతకొంత కాలంగా కమల్ నుంచి ఆశించిన స్థాయిలో ఒక్క సినిమా కూడా రాలేదు. ఈ క్రమంలో ‘విక్రమ్’ చిత్రం మళ్ళీ అప్పటి కమల్ను గుర్తుచేస్తుంది. ఇటీవలే షూటింగ్ పూర్తి చేసుకున్న ఈ చిత్రం జూన్ 3న విడుదల కానుంది. ఈ క్రమంలో చిత్ర బృందం తరచూ ఏదో ఒక అప్డేట్తో ప్రేక్షకులను ఆకట్టుకుంటుంది. తాజాగా ఈ చిత్రం నుంచి మరో అప్డేట్ను మేకర్స్ ప్రకటించారు.
ఈ చిత్రంలోని ఫస్ట్ సింగిల్ మే 11న విడుదల కానుంది. అనిరుధ్ రవిచంద్రన్ సంగీతం అందించిన ఈ పాటను కమల్ పాడటమే కాకుండా సాహిత్యాన్ని కూడా అందించాడు. ఈ చిత్రంపై ప్రేక్షకులలో మొదటి నుంచి భారీ స్థాయిలో అంచనాలను నెలకొన్నాయి. ఫాహద్ ఫాజిల్, విజయ్ సేతుపతి వంటి స్టార్ హీరోలు ఈ చిత్రంలో నటించనుడంటంతో ప్రేక్షకులలోనే కాదు సినీప్రముఖులలో కూడా అంచనాలు రెట్టింపు అయ్యాయి. ఇటీవలే ఈ సినిమా నాన్-థియేట్రికల్ హక్కులు రూ.125కోట్లకు అమ్ముడయ్యాయి. కమల్ హసన్కు 232 సినిమాగా తెరకెక్కిన ఈ చిత్రాన్ని రాజ్ కమల్ ఫిలింస్ బ్యానర్పై ఆర్. మహేంద్రన్తో కలిసి కమల్ హాసన్ స్వీయ నిర్మాణంలో తెరకెక్కిస్తున్నాడు. ఈ చిత్రం తమిళంతో పాటు తెలుగు, మలయాళ, హిందీ, కన్నడ భాషల్లో విడుదల కానుంది.