Vijayakanth | ముగిసిన విజ‌య్‌కాంత్ అంత్యక్రియలు

Vijayakanth | కోలీవుడ్ సీనియర్ నటుడు, డీఎండీకే అధినేత కెప్టెన్‌ విజయ్​కాంత్ (VijayKaanth)​ అంత్యక్రియలు (Funeral Rites) ముగిశాయి. త‌మిళనాడు కోయంబేడులోని పార్టీ ప్రధాన కార్యాలయ ఆవరణలో విజ‌య్‌కాంత్ కుటుంబసభ్యులు, అభిమానులు, సినీ ప్రముఖుల సమక్షంలో సంప్రదాయాల ప్రకారం అంతిమ సంస్కారాలు పూర్తయ్యాయి.

Vijayakanth Funeral Rites | కోలీవుడ్ సీనియర్ నటుడు, డీఎండీకే అధినేత కెప్టెన్‌ విజయ్​కాంత్ (Vijayakanth)​ అంత్యక్రియలు (Funeral Rights) ముగిశాయి. త‌మిళనాడు కోయంబేడులోని పార్టీ ప్రధాన కార్యాలయ ఆవరణలో విజ‌య్‌కాంత్ కుటుంబసభ్యులు, అభిమానులు, సినీ ప్రముఖుల సమక్షంలో సంప్రదాయాల ప్రకారం అంతిమ సంస్కారాలు పూర్తయ్యాయి.

అంతకుముందు పార్టీ కార్యాలయంలో ఉంచిన విజయకాంత్‌ పార్థివదేహాన్ని చెన్నైలోని తీవు తిడల్‌కు తరలించి ప్రజల సందర్శనార్థం ఉంచారు. అనంత‌రం తీవు తిడల్‌ నుంచి డీఎండీకే పార్టీ కార్యాలయంకు త‌ర‌లించి పార్టీ కార్యాల‌య ఆవ‌ర‌ణ‌లోనే అంత్యక్రియలు నిర్వ‌హించారు. ఇక కుటుంబసభ్యులు, పలువురు సినీ ప్రముఖులు, అభిమానులు పెద్ద సంఖ్యలో అంతిమయాత్రలో పాల్గొని విజయకాంత్‌కు కడసారి వీడ్కోలు పలికారు.

కొంతకాలంగా అనారోగ్యంతో బాధపడుతున్న విజయకాంత్‌ గురువారం(డిసెంబ‌ర్ 28) కన్నుమూసిన విషయం తెలిసిందే. శ్వాస సంబంధిత సమస్యతో బాధపడుతున్న ఆయ‌న‌ చెన్నైలోని మియోట్‌ దవాఖానలో చేరగా.. కొవిడ్‌ నిర్ధారణ అయింది. ఊపిరి తీసుకోవడానికి ఇబ్బంది పడుతుండటంతో వెంటిలేటర్‌పై ఉంచి చికిత్స అందిస్తుండగా.. విజయకాంత్‌ తుదిశ్వాస విడిచారు. నటుడిగా, రాజకీయవేత్తగా ప్రజల్లో చెరగని ముద్ర వేసుకున్న విజయ్‌ కాంత్ మృతి పట్ల యావత్‌ తమిళ ప్రజలతోపాటు ప్రపంచవ్యాప్తంగా ఉన్న అభిమానులు శోకసంద్రంలో మునిగిపోయారు.