Leo | ప్రముఖ నిర్మాణ సంస్థ సితార ఎంటర్టైన్మెంట్స్ తమిళంలో కూడా అడుగుపెట్టి చిత్ర నిర్మాణాలు చేపట్టాడానికి ఆసక్తి చూపిస్తుంది. ఇటీవల ధనుష్ ‘సార్’ (తమిళంలో వాతి)తో తమిళ పరిశ్రమలో ఎంట్రీ ఇచ్చిన ఈ సంస్థ మరో భారీ బడ్జెట్ తమిళ చిత్రం ‘లియో’లో భాగస్వాములు కాబోతున్నారు. తమిళ క్రేజీ కథానాయకుడు విజయ్ హీరోగా నటిస్తున్న ఈ చిత్రంలో త్రిష కథానాయిక. పాన్ ఇండియా స్థాయిలో రూపుదిద్దుకుంటోన్న ఈ చిత్రానికి లోకేష్ కనగరాజ్ దర్శకుడు.ఎస్.ఎస్.లలిత్ కుమార్ నిర్మిస్తున్నారు.
ఈ చిత్రాన్ని రెండు తెలుగు రాష్ట్రాల్లో విడుదల చేస్తూ పంపిణీ రంగంలోకి కూడా అడుగుపెట్టబోతుంది సితార ఎంటర్టైన్మెంట్ సంస్థ. ఈ సందర్భంగా నిర్మాత సూర్యదేవర నాగవంశీ మాట్లాడుతూ ‘ఇటీవలే ఈ చిత్రీకరణ పూర్తయిన ఈ చిత్రంపై ప్రేక్షకుల్లో భారీ అంచనాలు వున్నాయి. ‘లియో’ చిత్రంతో పంపిణీ రంగంలోకి అడుగుపెట్టడం సంతోషంగా వుంది. హీరో విజయ్ పాపులారిటీని దృష్టిలో పెట్టుకుని తెలుగులో ఆయన చిత్రాలకు మునుపెన్నడూ లేని విధంగా భారీస్థాయిలో ఈ చిత్రాన్ని తెలుగు రాష్ట్రాల్లో విడుదల చేయడానికి ప్లాన్ చేస్తున్నాం’ అన్నారు.