Vijay Deverakonda | ‘ఎల్ నినో’ ముప్పు.. నీరు, ఆహారం, కరెంట్ వృథా చేయకండి: విజయ్ దేవరకొండ

Vijay Deverakonda | టాలీవుడ్ రౌడీ హీరో విజయ్ దేవరకొండ తన సినిమా వేదికగా సమాజానికి ఒక కీలకమైన సామాజిక సందేశాన్నిచ్చారు.

Vijay Deverakonda | టాలీవుడ్ రౌడీ హీరో విజయ్ దేవరకొండ తన సినిమా వేదికగా సమాజానికి ఒక కీలకమైన సామాజిక సందేశాన్నిచ్చారు. తన తాజా చిత్రం ‘రణబాలి’ (Ranabaali) ప్రీ-రిలీజ్ ఈవెంట్ వేదికగా ఆయన మాట్లాడుతూ.. రాబోయే కాలంలో రానున్న ప్రకృతి ముప్పు పట్ల ప్రజలందరూ అప్రమత్తంగా ఉండాలని కోరారు. ప్ర‌స్తుతం ఎదుర్కోంటున్న‌ ‘సూపర్ ఎల్ నినో’ (Super El Nino) ప్రభావం గురించి విజయ్ ప్రస్తావించారు. సరిగ్గా 150 సంవత్సరాల క్రితం ఇలాంటిదే ఒక సూపర్ ఎల్ నినో ఏర్పడి, నాటి చారిత్రక ‘గ్రేట్ మద్రాస్ కరువు’ (Great Madras Famine)కు కారణమైందని, అప్పట్లో బ్రిటిష్ పాలకులు చేసిన విధానాల వల్ల సుమారు 80 లక్షల మంది ప్రాణాలు కోల్పోయారని ఆయన గుర్తుచేశారు.

ఇప్పుడు అదే విపత్తు మళ్లీ ఒక సైకిల్ మాదిరిగా రిపీట్ అయ్యే అవకాశం ఉందని, మన పూర్వీకులు పడిన ఆ కష్టాలను మనం మళ్లీ ఎదుర్కోకుండా ఉండేందుకు ఇప్పుడే అప్రమత్తం కావాలని విజయ్ తెలిపారు. రాబోయే ఒక సంవత్సరం పాటు ప్రతి ఒక్కరూ అత్యంత బాధ్యతాయుతంగా ఉండాలని కోరారు. ముఖ్యంగా నీటిని, విద్యుత్‌ను, ఆహారాన్ని ఎంతో పొదుపుగా వాడాలని, ఏ ఒక్కదానిని కూడా వృథా చేయకుండా జాగ్రత్తపడాలని ఆయన ప్రజలను హృదయపూర్వకంగా అభ్యర్థించారు. ప్రకృతి విపత్తులను, కరువును ఎదుర్కొనే సత్తా మన భారతీయుల్లో ఉందని, అందరం కలిసికట్టుగా వనరులను సద్వినియోగం చేసుకుంటూ ఈ సంక్షోభాన్ని దాటాలని విజయ్ దేవరకొండ పిలుపునిచ్చారు.