Vijay Devarakonda | మ్యారేజ్‌ లైఫ్‌ గురించి విజయ్‌ దేవరకొండ ఇంట్రెస్టింగ్‌ కామెంట్స్‌

Vijay Devarakonda | ఏ విషయంలోనైనా నిర్మొహమాటంగా తన అభిప్రాయాలను వ్యక్తం చేస్తారు అగ్ర హీరో విజయ్‌ దేవరకొండ. ఎలాంటి భేషజాలకు తావులేకుండా ఉన్నది ఉన్నట్లుగా మాట్లాడుతాడు. అందుకే ఆయన్ని అభిమానులు రౌడీ హీరో అని ఆప్యాయంగా పిలుచుకుంటారు.

Vijay Devarakonda | ఏ విషయంలోనైనా నిర్మొహమాటంగా తన అభిప్రాయాలను వ్యక్తం చేస్తారు అగ్ర హీరో విజయ్‌ దేవరకొండ. ఎలాంటి భేషజాలకు తావులేకుండా ఉన్నది ఉన్నట్లుగా మాట్లాడుతాడు. అందుకే ఆయన్ని అభిమానులు రౌడీ హీరో అని ఆప్యాయంగా పిలుచుకుంటారు. తాజాగా విజయ్‌ దేవరకొండ పెళ్లి గురించి చేసిన కామెంట్స్‌ సోషల్‌మీడియాలో వైరల్‌గా మారాయి. ఆయన తాజా చిత్రం ‘ఖుషి’ నుంచి ‘ఆరాధ్య’ అనే పాటను ఇటీవలే విడుదల చేశారు. ఇందులో పెళ్లి తర్వాత జంట మధ్య ఉండే అనుబంధాన్ని అద్భుతంగా ఆవిష్కరించారు. ఈ పాట గురించి విజయ్‌ దేవరకొండ సోషల్‌మీడియా వేదికగా స్పందించారు.

“ఖుషి’ సినిమాలో నాకు ఇష్టమైన పాట ఇది. పెళ్లయిన ఏడాది లోపు భార్యభర్తలు ఎలా ఉండాలో చక్కగా చూపించారు. వారి మధ్య అనుబంధాన్ని కూడా బ్యూటీఫుల్‌గా ప్రజెంట్‌ చేశారు. నేను ఇంకా పెళ్లి చేసుకోలేదు కానీ..భవిష్యత్తులో నా మ్యారేజ్‌ లైఫ్‌ ఈ పాటలో ఉన్నట్లే ఉండాలని కోరుకుంటున్నా’ అని విజయ్‌ దేవరకొండ తెలిపారు. ఆయన పోస్ట్‌ చూసిన అభిమానులు త్వరగా పెళ్లి వార్త చెబితే బాగుంటుందంటూ కామెంట్లు పెడుతున్నారు. ‘ఖుషి’ చిత్రం సెప్టెంబర్‌ 1న ప్రేక్షకుల ముందుకురానుంది.