Visit:
‘రౌడీ జనార్దన్‌’ సినిమా కోసం విజయ్‌ దేవరకొండ అభిమానులంతా ఆసక్తిగా ఎదురు చూస్తున్నారు. దిల్‌ రాజు అత్యంత ప్రతిష్టాత్మకంగా నిర్మిస్తున్న ఈ చిత్రానికి రవికిరణ్‌ కోలా దర్శకుడు. సీనియర్‌ హీరో డా.రాజశేఖర్‌ ఇందులో కీలక పాత్ర పోషిస్తున్న విషయం తెలిసిందే. ఈ సినిమా షూటింగ్‌ ఇప్పటికే కొంతభాగం పూర్తయింది. దర్శకుడు రవికిరణ్‌ ైక్లెమాక్స్‌ షూట్‌ కోసం సన్నాహాలు చేస్తున్నారు.
ఈ వారంలోనే షూట్‌ మొదలయ్యే అవకాశం ఉంది. గ్రామీణ నేపథ్యంలో సాగే ఈ మాస్‌ ఎంటర్‌టైనర్‌లో విజయ్‌ దేవరకొండ పాత్ర చాలా విభిన్నంగా ఉంటుందని, యూత్‌ ఆయన్ను ఎలా చూడాలనుకుంటున్నారో ఇందులో ఆయన అలా కనిపిస్తారని మేకర్స్‌ చెబుతున్నారు. డా.రాజశేఖర్‌ పాత్ర కూడా ఇందులో కొత్తగా ఉంటుందట. ఇప్పటికే ఆయన లుక్‌ టెస్ట్‌ని కూడా పూర్తి చేశారట. కీర్తి సురేశ్‌ ఇందులో కథానాయికగా నటిస్తున్న విషయం తెలిసిందే.
