Vijay Devarakonda | రౌడీ స్టార్ విజయ్ దేవరకొండ నుంచి సినిమా వచ్చి రెండేళ్ళు దాటింది. 2020లో భారి అంచనాలతో విడుదలైన ‘వరల్డ్ ఫేమస్ లవర్’ విజయ్ కెరీర్లోనే బిగ్గెస్ట్ డిజాస్టర్గా నిలిచింది. ఈ సినిమా ఫలితంతో విజయ్ తన తదుపరి సినిమాపై పూర్తి దృష్టని పెట్టాడు. ఈ క్రమంలోనే రెండేళ్ళు ‘లైగర్’ కోసం కష్టపడ్డాడు. గత చిత్రాలకు భిన్నంగా విజయ్ పూర్తి మేకోవర్తో ఈ చిత్రంలో కనిపించనున్నాడు. మాములుగా పూరి సినిమాలలో హీరోలకు సెల్ఫ్ రెస్పెక్ట్, యాటిట్యూడ్, తెగింపు ఉంటాయి. ఇక ఇవన్ని లక్షణాలు ముందుగానే ఉన్న రౌడీ బాయ్ను పూరి ఏ విధంగా చూపిస్తాడో అని ప్రేక్షకులలో ఆసక్తి నెలకొంది. దానికి తోడు చిత్రం నుంచి విడుదలైన ప్రచార చిత్రాలు, టీజర్ గ్లింప్స్ అంచనాలను అమాంతం పెంచాయి. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రం ఆగస్టు 25న విడుదల కానుంది.
అయితే ఇదే కాంబోలో ‘జనగనమణ’ తెరకెక్కనున్నట్లు ఇటీవలే అధికారికంగా ప్రకటన వచ్చిన విషయం తెలిసిందే. తాజాగా అందుతున్న సమాచారం ప్రకారం ఈ సినిమా షూటింగ్ జూన్ మొదటి వారం నుంచి ప్రారంభం కానున్నట్లు తెలుస్తుంది. ఈ చిత్రంలో విజయ్ ఆర్మీ అధికారిగా కనిపించనున్నాడు. పూజా హెగ్డే హీరోయిన్గా నటించనుంది. ఇది వరకే మేకర్స్ విడుదల చేసిన మోషన్ పోస్టర్ ప్రేక్షకులను విపరీతంగా ఆకట్టుకుంది. ఈ చిత్రాన్ని పూరి కనెక్ట్స్, శ్రీకర స్టూడీయోస్ బ్యానర్లపై పూరి, చార్మీ లతో కలిసి వంశీ పైడిపల్లి నిర్మిస్తున్నాడు.
ప్రస్తుతం విజయ్, శివ నిర్వాణ దర్శకత్వంలో ‘ఖుషి’ చిత్రాన్ని చేస్తున్నాడు. సమంత హీరోయిన్గా నటిస్తున్న ఈ చితం ఇటీవలే కాశ్మీర్ షెడ్యూల్ను పూర్తి చేసుకున్న విషయం తెలిసిందే. ఇక త్వరలోనే హైదరాబాద్ షెడ్యూల్ ప్రారంభం కానుంది. ఈ రెండు సినిమా షూటింగ్లలో విజయ్ దేవరకొండ ఏకకాలంలో పాల్గొననున్నాడు.