కెరీర్ ఆరంభం నుంచి విభిన్నమైన కాన్సెప్ట్స్ను ఎంచుకొని సినిమాలు చేస్తున్నారు హీరో విజయ్ ఆంటోని. తాజాగా ఆయన యాక్షన్ ఎంటర్టైనర్ ‘విక్రమ్ రాథోడ్’ తో ప్రేక్షకుల ముందుకురాబోతున్నారు. బాబు యోగేశ్వరన్ దర్శకత్వం వహించారు. అపోలో ప్రొడక్షన్స్, ఎస్ఎన్ఎస్ మూవీస్ పతాకాలపై రావూరి వెంకటస్వామి, ఎస్.కౌసల్య రాణి నిర్మిస్తున్నారు. మ్యాస్ట్రో ఇళయరాజా సంగీతాన్నందిస్తున్న ఈ చిత్రం డిసెంబర్ 1న విడుదలకానుంది. సరికొత్త కథాంశంతో తెరకెక్కించిన యాక్షన్ ఎంటర్టైనర్ ఇదని, విజయ్ ఆంటోని పాత్ర వినూత్నంగా ఉంటుందని చిత్ర బృందం పేర్కొంది.