Ajith Kumar | తప్పిపోయిన భార్య కోసం ఏడారిలో అజిత్‌ అన్వేషణ

తమిళ అగ్ర నటుడు అజిత్‌ నటిస్తున్న తాజా చిత్రం ‘విడాముయర్చి’. మగిల్‌ తిరుమేని దర్శకత్వం వహిస్తున్న ఈ చిత్రాన్ని లైకా ప్రొడక్షన్స్‌ సంస్థ నిర్మిస్తున్నది. సంక్రాంతికి ప్రేక్షకుల ముందుకురానుంది. శుక్రవారం ఈ సినిమా నుంచి ‘సవదీక..’ అనే ఫాస్ట్‌బీట్‌ పాటను విడుదల చేశారు. అనిరుధ్‌ రవిచందర్‌ స్వరాల్ని అందించారు.

Ajith Kumar | తమిళ అగ్ర నటుడు అజిత్‌ నటిస్తున్న తాజా చిత్రం ‘విడాముయర్చి’. మగిల్‌ తిరుమేని దర్శకత్వం వహిస్తున్న ఈ చిత్రాన్ని లైకా ప్రొడక్షన్స్‌ సంస్థ నిర్మిస్తున్నది. సంక్రాంతికి ప్రేక్షకుల ముందుకురానుంది. శుక్రవారం ఈ సినిమా నుంచి ‘సవదీక..’ అనే ఫాస్ట్‌బీట్‌ పాటను విడుదల చేశారు. అనిరుధ్‌ రవిచందర్‌ స్వరాల్ని అందించారు. భయంకరమైన ఏడారిలో తప్పిపోయిన తన భార్య కోసం కథానాయకుడు చేసే అన్వేషణ, ఈ క్రమంలో గ్యాంగ్‌స్టర్స్‌ నుంచి అతనికి ఎదురయ్యే ప్రతిఘటన నేపథ్యంలో యాక్షన్‌ థ్రిల్లర్‌గా ఈ చిత్రాన్ని తెరకెక్కిస్తున్నారు.

అజిత్‌ పాత్ర కొత్త పంథాలో ఉంటుందని, పోరాట ఘట్టాలు రోమాంచితంగా సాగుతాయని చిత్రబృందం పేర్కొంది. ఈ సినిమాలో త్రిష, అర్జున్‌, రెజీనా, నిఖిల్‌ నాయర్‌ తదితరులు ప్రధాన పాత్రల్ని పోషించారు. తమిళ, తెలుగు భాషల్లో భారీ స్థాయిలో విడుదల కానుంది.