Ranga Ranga Vaibhavanga Movie | ‘రంగ రంగ వైభ‌వంగా’ థ‌ర్డ్ సింగిల్ ప్రోమో విడుద‌ల‌

Ranga Ranga Vaibhavanga Third Single Promo | డెబ్యూ సినిమాతో రికార్డులు సృష్టించాడు మెగా మెన‌ల్లుడు వైష్ణ‌వ్ తేజ్‌. ‘ఉప్పెన’ సినిమాతో ఉప్పెన‌లాంటి విజ‌యాన్ని ఖాతాలో వేసుకున్నాడు. ఆ త‌రువాత వ‌చ్చిన ‘కొండ‌పొలం’ ప్రేక్ష‌కుల‌ను అంత‌గా ఆక‌ట్టుకోలేక‌పోయింది. నిజానికి ఈ చిత్రం వ‌చ్చిన విష‌య‌మే చాలా మందికి తెలియ‌దు. ఈ సినిమా ఫ‌లితం వైష్ణ‌వ్ తేజ్‌ను కూడా తీవ్రంగా నిరాశ‌ప‌రిచింది. ఇక‌ ప్ర‌స్తుతం ఈయ‌న న‌టించిన ‘రంగ‌రంగ వైభ‌వంగా’ విడుద‌ల‌కు సిద్ధంగా ఉంది. ‘అర్జున్ రెడ్డి’ త‌మిళ వెర్ష‌న్ ‘ఆదిత్య వ‌ర్మ’ చిత్రాన్ని తెర‌కెక్కించిన‌ గిరీశ‌య్య ఈ సినిమాకు ద‌ర్శ‌క‌త్వం వ‌హించాడు. ఇటీవ‌లే షూటింగ్ పూర్తి చేసుకున్న ఈ చిత్రం ప్ర‌స్తుతం పోస్ట్ ప్రొడ‌క్ష‌న్ ప‌నుల‌లో బిజీగా ఉంది. ఈ క్ర‌మంలో చిత్ర బృందం త‌ర‌చూ ఒక అప్‌డేట్‌తో ప్రేక్ష‌కుల‌ను ప‌ల‌క‌రిస్తుంది. తాజాగా మేక‌ర్స్ థ‌ర్డ్ సింగిల్ ప్రోమోను విడుద‌ల చేశారు.

ఈ చిత్రంలోని ‘సిరి సిరి మువ్వ‌ల్లోన’ అంటూ సాగే మెలోడీయ‌స్ సాంగ్ ప్రోమోను మేక‌ర్స్ తాజాగా విడుద‌ల చేశారు. ఫుల్ లిరిక‌ల్ సాంగ్‌ను ఆగ‌స్టు 1న విడుద‌ల చేయ‌నున్న‌ట్లు ప్ర‌క‌టించారు. ఇప్ప‌టికే చిత్రం నుండి విడుద‌లైన కొత్త‌గా లేదేంటి, తెలుసా తెలుసా సాంగ్‌ల‌కు శ్రోత‌ల నుండి విశేష స్పంద‌న వ‌చ్చింది. దేవీ శ్రీ ప్ర‌సాద్ కంపోజ్ చేసిన ఈ పాట‌లు అప్ప‌టి దేవిని గుర్తుచేస్తున్నాయి. ఈ చిత్రంలో వైష్ణ‌వ్ తేజ్‌కు జోడీగా కేతికశ‌ర్మ హీరోయిన్‌గా న‌టించింది. ఇటీవ‌లే విడుద‌లైన టీజ‌ర్ ప్రేక్ష‌కుల‌ను విప‌రీతంగా ఆక‌ట్టుకుంది. శ్రీ వెంక‌టేశ్వ‌రా సినీ చిత్ర బ్యాన‌ర్‌పై బీవీఎస్ఎన్ ప్ర‌సాద్ ఈ చిత్రాన్ని నిర్మించాడు.