Venkatesh | బాల్రెడ్డి ఆయన.. బామ్మర్ది ఈయన?.. టైటిల్‌ నుంచే సినిమాపై ఆడియన్స్‌లో ఆసక్తి

టైటిల్‌ నుంచే సినిమాపై ఆడియన్స్‌లో ఆసక్తిని పెంచుతుంటారు దర్శకుడు అనిల్‌ రావిపూడి. తొలి సినిమా ‘పటాస్‌' నుంచి చూస్తే.. ఆయన టైటిల్స్‌ అన్నీ ప్రత్యేకంగానే ఉంటాయి. ప్రస్తుతం ఆయన వెంకటేశ్‌, కల్యాణ్‌రామ్‌ కాంబినేషన్‌లో ఓ మల్టీస్టారర్‌ని తెరకెక్కిస్తున్న విషయం తెలిసిందే.

టైటిల్‌ నుంచే సినిమాపై ఆడియన్స్‌లో ఆసక్తిని పెంచుతుంటారు దర్శకుడు అనిల్‌ రావిపూడి. తొలి సినిమా ‘పటాస్‌’ నుంచి చూస్తే.. ఆయన టైటిల్స్‌ అన్నీ ప్రత్యేకంగానే ఉంటాయి. ప్రస్తుతం ఆయన వెంకటేశ్‌, కల్యాణ్‌రామ్‌ కాంబినేషన్‌లో ఓ మల్టీస్టారర్‌ని తెరకెక్కిస్తున్న విషయం తెలిసిందే. ఈ సినిమాక్కూడా ఆయన భిన్నమైన పేరునే నామకరణం చేసినట్టు తెలుస్తున్నది.

ఇది రాయలసీమ ఫ్యాక్షన్‌ నేపథ్యంలో సాగే కామెడీ ఎంటర్‌టైనర్‌ కావడంతో ఈ సినిమాకు ‘బాల్రెడ్డి బామ్మర్ది’ అనే క్యాచీ టైటిల్‌ని అనిల్‌ ఖరారు చేశారట. అయితే.. దీనిపై అధికారిక ప్రకటన రావాల్సివుంది. సంక్రాంతికి విడుదల కానున్న ఈ సినిమాలో వెంకీ సరసన కీర్తి సురేశ్‌ నటిస్తుండగా, కల్యాణ్‌రామ్‌కు జోడీగా కృతి శెట్టి కనిపించనున్నది. షైన్‌ స్క్రీన్‌ సంస్థ అత్యంత ప్రతిష్టాత్మకంగా నిర్మిస్తున్న ఈ చిత్రానికి సంగీతం: జీవీ ప్రకాశ్‌కుమార్‌.