వెంకటేష్, రానా కలిసి నటించి ఇటీవలే ఓటీటీలోకి వచ్చిన ‘రానా నాయుడు’ వెబ్ సిరీస్పై ప్రేక్షకుల నుంచి విమర్శలు వెల్లువెత్తుతున్న నేపథ్యంలో వారికి క్షమాపణలు చెప్పారు రానా. ఈ వెబ్ సిరీస్లో హింస, శృంగార సన్నివేశాల మోతాదు మించిందని, కుటుంబంతో కలిసి చూడలేకపోతున్నామని నెటిజన్లు విమర్శలు చేస్తున్నారు. వెంకటేష్కు ఉన్న ఫ్యామిలీ హీరో ఇమేజ్తో చాలా మంది ప్రేక్షకులు ఈ వెబ్ సిరీస్ను చూడటం ప్రారంభించారు. అయితే ఇందులోని సన్నివేశాలు వారికి ఇబ్బందికరంగా మారాయి.
‘రానా నాయుడు’ వెబ్ సిరీస్ ప్రీమియర్ రోజున వెంకటేష్ మాట్లాడుతూ తన కెరీర్లో ఇప్పటిదాకా చేయని ఓ భిన్నమైన ప్రయత్నమిదని, దీంట్లో హింస, శృంగార సన్నివేశాలు ఉంటాయని చెబుతూ…సారీ చెప్పాడు. తాజాగా రానా సోషల్ మీడియా ద్వారా క్షమాపణలు కోరారు. కుటుంబంతో కలిసి ఈ వెబ్ సిరీస్ చూడొద్దని కోరారు. అమెరికన్ టీవీ క్రైమ్ డ్రామా సిరీస్ ‘రే డోనోవన్’ రీమేక్గా ఈ వెబ్ సిరీస్ను దర్శకులు కరణ్ అన్షుమన్, సుపర్ణ్ వర్మ తెరకెక్కించారు. రానా సెలబ్రిటీ ఫిక్సర్గా, వెంకటేష్ నేరస్తుడి పాత్రల్లో నటించారు.