అవికాగోర్, నందు, అలీ రెజా ప్రధాన పాత్రల్లో నటిస్తున్న వెబ్సిరీస్ ‘వధువు’. పోలూరు కృష్ణ దర్శకుడు. ఎస్వీఎఫ్ పతాకంపై శ్రీకాంత్ మెహతా, మహేంద్ర సోని నిర్మిస్తున్నారు. నేటి నుంచి డిస్నీ హాట్స్టార్లో స్ట్రీమింగ్ కానుంది. గురువారం ట్రైలర్ను విడుదల చేశారు. ఈ సందర్భంగా ఇటీవల ఏర్పాటు చేసిన సమావేశంలో నందు మాట్లాడుతూ ‘పెళ్లి, కుటుంబ బంధాల నేపథ్యంలో ఈ సిరీస్ ఆద్యంతం ఆసక్తిని కలిగిస్తుంది. షూటింగ్ టైమ్లో చాలా ఎంజాయ్ చేశాను. బెంగాలీలో ఈ సిరీస్ సీజన్-2, సీజన్-3 కూడా వచ్చాయి. అయితే మన తెలుగు సిరీస్ వాటికంటే బాగుంటుంది’ అన్నారు.
దర్శకుడు మాట్లాడుతూ ‘బెంగాల్ సిరీస్ ‘వధువు’ను రీమేక్ చేశాం. తెలుగు నేటివిటీకి అనుగుణంగా చాలా మార్పులు చేశాం. అత్తారింటిలో అడుగుపెట్టిన ఇందు అనే నవ వధువు కథ ఇది. సెకండ్ ఎపిసోడ్ నుంచి అసలు కథ మొదలవుతుంది. ఆద్యంతం ఉత్కంఠను రేకెత్తించే కథ, కథనాలతో సాగుతుంది’ అన్నారు. ఈ వెబ్ సిరీస్కు కెమెరా: రామ్ కె మహేశ్, సంగీతం: శ్రీరామ్ మద్దూరి, దర్శకత్వం: పోలూరు కృష్ణ.