అల్లు శిరీష్, అను ఇమ్మాన్యుయేల్ జంటగా నటిస్తున్న చిత్రం ‘ఊర్వశివో రాక్షసివో’. రాకేష్ శశి దర్శకుడు. జీఏటూ పిక్చర్స్ పతాకంపై అల్లు అరవింద్ సమర్పణలో ధీరజ్ మొగిలినేని నిర్మిస్తున్నారు. తాజాగా ఈ చిత్రానికి సంబంధించిన టీజర్ను విడుదల చేసింది చిత్రబృందం. దర్శకుడు మాట్లాడుతూ ‘యూత్ఫుల్ లవ్ ఎంటర్టైనర్గా రూపొందుతున్న చిత్రమిది.
యూత్తో పాటు అన్ని వర్గాలను ఆకట్టుకునే విధంగా వుంటుంది. అల్లు శిరీష్ పాత్ర సరికొత్తగా వుంటుంది. ఈ చిత్రంలోని సన్నివేశాలు, సంభాషణలు నేటి యువతరానికి కనెక్ట్ అయ్యే విధంగా ఉంటాయి’ అన్నారు. ఈ చిత్రానికి సంగీతం: అచ్చు రాజమణి