Anakapalli Teaser | త్రిణాధరావు నక్కిన మార్క్ స్టోరీతో ‘అనకాపల్లి’.. ఆకట్టుకుంటున్న టీజర్

Anakapalli Movie | యంగ్ అండ్ టాలెంటెడ్ న‌టుడు, నా పేరు సూర్య‌.. నా ఇల్లు ఇండియా ఫేమ్ విక్రమ్ సాహిదేవ్, సంధ్యా వశిష్ట, తారక్ పొన్నప్ప ప్రధాన పాత్రల్లో నటించిన తాజా చిత్రం 'అనకాపల్లి' (Anakapalli).

Anakapalli Movie | యంగ్ అండ్ టాలెంటెడ్ న‌టుడు, నా పేరు సూర్య‌.. నా ఇల్లు ఇండియా ఫేమ్ విక్రమ్ సాహిదేవ్, సంధ్యా వశిష్ట, తారక్ పొన్నప్ప ప్రధాన పాత్రల్లో నటించిన తాజా చిత్రం ‘అనకాపల్లి’ (Anakapalli). ఈ చిత్రం స‌మ్మ‌ర్ కానుక‌గా ప్రేక్ష‌కుల ముందుకు రాబోతుండ‌గా తాజాగా టీజ‌ర్‌ను విడుద‌ల చేసింది చిత్ర‌యూనిట్. టీజ‌ర్ చూస్తుంటే.. ఈ సినిమా ఒక ఇంటెన్స్ పల్లెటూరి యాక్షన్ డ్రామాగా తెరకెక్కినట్లు అర్థమవుతోంది. ఇందులో విక్రమ్ సాహిదేవ్ తన సరికొత్త లుక్ మరియు పవర్‌ఫుల్ యాక్టింగ్‌తో ఎంతగానో ఆకట్టుకున్నాడు. విక్రమ్‌తో పాటు సంధ్యా వశిష్ట, తారక్ పొన్నప్ప కీలక పాత్రల్లో నటించి సినిమాపై అంచనాలను భారీగా పెంచేశారు.

ఈ సినిమా వెనుక టాలీవుడ్‌లో వరుస హిట్‌లతో దూసుకుపోతున్న ప్రముఖ దర్శకుడు త్రినాథరావు నక్కిన ఉండటం విశేషం. ఈ చిత్రానికి ఆయనే స్వయంగా కథ, స్క్రీన్‌ప్లే అందించగా, ఖగేష్ తమ్మినేని దర్శకత్వం వహించారు. నక్కిన నరేటివ్స్ మరియు భవ్య శ్రీ మూవీ మేకర్స్ బ్యానర్లపై త్రినాథరావు నక్కిన, నాయుడు కాండ్రేగుల సంయుక్తంగా ఈ సినిమాను నిర్మిస్తున్నారు. దీనికి డావ్‌జాండ్ అద్భుతమైన సంగీతాన్ని అందించారు. టీజర్ చివర్లో మేకర్స్ ప్రకటించినట్లుగా ఈ మూవీని ‘సమ్మర్ 2026’ కానుకగా విడుదల చేయడానికి సన్నాహాలు చేస్తున్నారు. టీజర్ చూసిన సినీ ప్రియులు ఈ సమ్మర్‌లో ఒక సాలిడ్ మాస్ ఎంటర్టైనర్ పడబోతోందని సోషల్ మీడియాలో కామెంట్లు పెడుతున్నారు.