ఇప్పటివరకు చేయని కథ

ప్రస్తుతం సైన్స్‌ ఫిక్షన్‌ ‘రాకా’ సినిమాతో బిజీగా ఉన్నారు అగ్ర హీరో అల్లు అర్జున్‌. ముంబయిలో చిత్రీకరణ జరుగుతున్నది. ఈ సినిమా పూర్తయిన తర్వాత లోకేష్‌ కనకరాజ్‌ దర్శకత్వంలో అల్లు అర్జున్‌ ఓ సినిమా చేయబోతున్న విషయం తెలిసిందే.

ప్రస్తుతం సైన్స్‌ ఫిక్షన్‌ ‘రాకా’ సినిమాతో బిజీగా ఉన్నారు అగ్ర హీరో అల్లు అర్జున్‌. ముంబయిలో చిత్రీకరణ జరుగుతున్నది. ఈ సినిమా పూర్తయిన తర్వాత లోకేష్‌ కనకరాజ్‌ దర్శకత్వంలో అల్లు అర్జున్‌ ఓ సినిమా చేయబోతున్న విషయం తెలిసిందే. ఇప్పటికే అధికారిక ప్రకటన వెలువడింది. ప్రస్తుతం ప్రీపొడక్షన్‌ పనులు వేగంగా జరుగుతున్నాయి. డిసెంబర్‌లో ఈ సినిమా పట్టాలెక్కనుందని తెలుస్తున్నది. తాజాగా ఈ సినిమా కథాంశం గురించి ఆసక్తికరమైన అప్‌డేట్‌ బయటికొచ్చింది. పౌరాణిక, ఫాంటసీ అంశాలు కలబోసి సరికొత్త కథాంశమిదని, ఇప్పటివవరకు బన్నీ తన కెరీర్‌లో ఈ జోనర్‌లో సినిమా చేయలేదని వార్తలొస్తున్నాయి. అటు దర్శకుడు లోకేష్‌కు కూడా ఇది కొత్త జోనర్‌ చిత్రమేనని, అందుకే ఈ ప్రాజెక్ట్‌పై ఇద్దరూ ప్రత్యేక శ్రద్ధ తీసుకుంటున్నారని ఫిల్మ్‌నగర్‌ టాక్‌. ఈ సినిమాలో ఓ బాలీవుడ్‌ అగ్ర హీరో కూడా భాగం కాబోతున్నారని వార్తలు వినిపిస్తున్నాయి. మరి వీటిలో నిజమెంతో తెలియాలంటే కొద్ది రోజులు వేచిచూడాల్సిందే.